Xatırladaq ki, bir müddət bundan əvvəl SOCAR-ın Geofizika və Geologiya İdarəsində baş verən qanunsuzluqlar barədə KİV-də müəyyən məlumatlar getmişdir. Həmin vaxt “Neftçilərin Hüquqlarının Müdafiə Təşkilatı” (NHMT) İctimai Birliyinin sədri Mirvari Qəhrəmanlı həmin idarədə işləyən işçilərdən birinin təqdim etdiyi məlumatlara söykənərək çox ciddi və müdaxilə zərurəti olan faktları təqdim etmişdi. SOCAR-ın Geofizika və Geologiya İdarəsinin rəisi Elçin Şirinovdan şikayətçi olan həmin şəxs M. Qəhrəmanlıya müraciət etmişdi:
“Salam hörmətli Mirvari xanım! Sizdən xahiş edirəm, Geofizika və Geologiya İdarəsində gedən özbaşınalıqların araşdırılmasına köməklik göstərəsiniz… Belə ki GGİ-də İdarə rəisi tərəfindən öz qohum-əqrəbası istənilən vəzifəyə keçirilib:
– Bacısı oğlu Elvin İsmayılov ekspedisiya rəisi;
– Orxan İsmayılov, digər bacisi oğlu Qravimetriyanın rəisi;
– Qardaşı Mübariz sınaq quyusunun rəisi;
– Qayni Elvin energetik;
– Mövsümi fəhlələrdən əmisi oğlu Elburus xalası uşaqları və digərləri hegemonluq edirlər;
Yerdəyişmələr isə imtahansız gedir, necə istəyirlər elə də edirlər;
-Geofizika və Geologiya İdarəsinin kəşfiyyat geofizika bölümünə A-yunit və kabellər alınıb ki, təzə yox işlənmişdir…
Yeri gəlmişkən deyək ki, həmin vaxt məqalələr dərc olunarkən işçilərdən şübhələndikləri bir neçə nəfəri şöbə rəisləri Azad Rzayev və Dadaş Həsənov otaqlarına cağırtdırıb sıxışdırmışdılar…
Bundan əlavə Elçin Şirinovun ƏMTT üzrə müavini Elxan Ələsgərovun da yoldaşı bir müddət əvvəl ixtisara düşsə də, onu yenidən KGİB bölümünə işə qəbul ediblər və bundan əlavə onun oğlu da MGİB-də işə düzəldildi ki, nəticədə bir ailədən 3 nəfər idarədə işləyərkən tək işləyənlər ixtisara düşüblər”.
Aktualxeber.az-a yeni daxil olan məlumatlara görə SOCAR-ın Geofizika və Geologiya İdarəsinin rəisi Elçin Şirinov və Ziyad adlı müavini bir Qazaxstan şirkətinə saxta yollarla tender uddurublar. Milyonlarala dəyəri olan həmin tenderdə “nağdlaşma əməliyyatı”nı Vahid Xankişiyevlə yuxarıda adını çəkdiyimiz Azad Rzayev edibdi. Bu saxtalaşma əməliyyatında Dadaş Həsənovun da “əlavə günlər yazmaqla” xüsusi rolu olubdu. Redaksiyamıza bu saxtakarlıqları sübut edən sənədlər də təqdim edilibdi. Əlaqədar qurumlarla dəqiqləşdirmələr apardıqdan sonra geniş məqaləni sənəd və faktlarla birlikdə oxucularımıza təqdim edəcəyik…
Mövzuya qayıdacağıq və qarşı tərəfi də dinləməyə hazırıq.

aktualxeber.az