Müəllim şərəfinə VƏFAsızlıq nümunəsi: Həm sözdə, həm əməldə RÜSVAYÇILIQ –ŞOK SƏS YAZILARI
[center]
[/center]
[/center]“Məqsəd vasitəyə bəraət qazandırır” prinsipini köndələn anlayaraq, sözün əsl mənasında “gözünü yumub, gül ağzını açmaq” nəinki bir müəllimə, bir azərbaycanlı xanıma, heç “cinquli meşələri”ndə yaşayan qəbilə qadınına da uyğun olan deyil.
Son aylar ölkə mediasında gündəm olan mövzulardan biri də, Xırdalan şəhər 2№-li tam orta məktəblə bağlı yaşananlardır. Sözügedən məktəbin riyaziyyat müəllimi Həziyeva Vəfa Sevdimalı qızı aylardır ki, bir kəsim media resurslarında məktəbin direktoru Gülnaz Kərimovanin ünvanına müxtəlif ittihamlar səsləndirir...
HAŞİYƏ: Bu arada onu da təəssüflə xatırlatmaqda fayda var ki, bəzi həmkarlarımız jurnalistikanın məlum qayda və prinsiplərini “unudaraq” çılpaq şəkildə tərəf olmaqdan çəkinmirlər. Əsaslı-əsassız kiməsə meydan vermək, müvafiq araşdırma olmadan, əks tərəfi cavab hqqından məhrum etmək nə yazılmış, nə də yazılmamış qanunlara sığmır.
Ən primitiv şəkildə təhqir etmək, təhsilalanların sayına görə ölkədə birinci olan bir təhsil ocağının rəhbərini maksimum aşağılamaq arzuolunmaz nəticələrlə sonuclana bilər... “Erməni-budaq cümləsi” ilə zəngin yazıların az qala həndəsi silsilə şəkilini alması, başqa sözlə kampaniya aparmağın adı isə bam-başqadır...Bütün bunların hansısa səbəb və maraqlardan qaynaqlanması da şübhəsizdir. Nə isə...
Həqiqətin izi ilə...
Mövzunun məlum aktuallığını nəzərə alıb, biz də Yenixeber.org olaraq müəyyən araşdırmara qərar verdik. Ki, sayqılı oxucularımızla bərabər, aidiyyatı dövlət strukturları da həqiqətin bu günə qədər bir tərəfin sayəsində yazılıb, deyildiyi kimi deyil, fərqli olduğunu bilsinlər. Artıq hansı tərəfin nə dərəcədə haqlı olması təkcə Məhkəmə zallarında deyil, media müstəvisində də aydınlaşmalıdır...
Qalmaqal hansı səbəblərdən qaynaqlanıb? Hansı qayda və qanunlar pozulub? Tərəflər mübahisəni hansı müstəviyə və niyə daşıyıblar? Hansı vasitələrdən və hansı qanunlar çərçivəsində yararlanmağa cəhdlər var? Hansı tərəf və nə dərəcədə haqlıdır? Və s.
Bu suallara cavab tapmaqla, həqiqəti ictimailəşdirməyə çalışacağıq... İlkin olaraq,... media üzərindən araşdırma aparmaqla və özəl olaraq əldə etdiyimiz məlumatlar ŞOK SAYILA BİLƏR. Bu şok doğuran məlumatların əksər qismi ilə bağlı hələlik genuş yaza bilməyəcəyik. Səbəb isə tərəflər arasında Məhkəmə çəkişməsinin davam etməsidir. (Vəfa Həziyevanın ilkin məhkəmə instansiyasında uduzmasına baxmayaraq, mübahisələndirmə Apellyasiya Məhkəməsi mərhələsində davam etməkdədir. Red.)
Yeri gəlmişkən, indiyədək bütün Məhkəmə instansiyalarında məktəb rəhbərliyi haqlı sayılır, xanım Həziyevanın isə əlahəzrət faktlar qarşısında müəllim adına mənfi mənada təsirsiz ötüşməyən duruma düşdüyü bildirilir. Sonuncu- Apellyasiya Məhkəməsi qərarının da yaxın günlərdə veriləcəyi gözlənilir. Unutmayaq ki, məhkəmə qərarı dövlət adından verilmiş qərardır və hər kəsin də, bu qərara hörmətlə yanaşması vacibdir...
Biz Yenixeber.org olaraq prosesə peşəkarlıq prizmasından yanaşırıq və yekun Məhkəmə qərarını gözləyirik. Prosesə diletantcasına yanaşmaq, 3 yaşlı uşaq düşüncəsi ilə hansısa tərəfi təhqir etməklə ucuz şou düzəltmək üçün isə gərək başınla deyil, başqa yerinlə düşünəsən...
Qeyd etdiyimiz kimi, məlum qanunlara uyğun olaraq prosesin detalları haqında hələlik geniş yaza bilmirik. Amma, hələlik...
Hələlik ötəri toxunmağı uyğun bildiyimiz özünü pedaqoq, bir müəllim kimi cəmiyyətə təqdim edərək də, yumşaq desək rüsvayçılığın pik həddində görünən Vəfa Həziyevanın həm əməli, həm də sözü ilə bağlı olacaq. Əldə etdiyimiz yazışmalar və səs qeydləri HEYRƏT DOĞURUR!
“Məqsəd vasitəyə bəraət qazandırır” prinsipini köndələn anlayaraq, sözün əsl mənasında “gözünü yumub, gül ağzını açmaq” nəinki bir müəllimə, bir azərbaycanlı xanıma, heç “cinquli meşələri”ndə yaşayan qəbilə qadınına da uyğun olan deyil. Biz Vəfa Həziyevanın hansısa qəbilə təfəkkürünə sahib olmasını nə arzulamırıq, nə də iddia etmirik. Amma və lakin Vəfa xanımın Yenixeber.org-a daxil olmuş səs yazısının təsvirində obrazlı desək, söz də acizdir... Sözsüz ki, biz məlum normalara uyğun olaraq, o səs yazısını olduğu kimi tirajlamayacağıq. Bu çox pis nəticələrə səbəb ola bilər, hətta şəxsi zəminə qədər...
Bu arada mərhum şairimiz Qabilin məşhur misrasi yada düşür:
Hey-hey gərəksiz..
Gərəksiz oluruq biz,
Səhv düşəndə yerimiz.
Üç gün əvvəl mediada Vəfa Həziyeva ilə bağlı qısa və lakonik bir yazı yayımlanmışdır. Səs yazıları ilə birgə:
***
Vəfa Həziyeva müəllim fəaliyyətindən başqa pedaqoq adına yaraşmayan digər əməllərlə məşğuldur.
Belə ki, o, işlədiyi məktəb rəhbərliyini, hətta Abşeron-Xızı Regional Təhsil İdarəsinin rəhbər şəxslərini belə şərləməkdən, onlara qarşı aqresiya püskürməkdən, həqiqətə uyğun olmayan şayiələr səsləndirməkdən çəkinmir.
İş o yerə çatıb ki, hətta Ali Məhkəməyə qədər uzanan çəkişmələr Vəfa Həziyevanın məğlubiyyəti ilə nəticələnib. Üstəlik, Abşeron-Xızı Regional Təhsil İdarəsinin rəhbərliyi başdan-ayağa kimi böhtan danışan Vəfa Həziyevaya Elm və Təhsil Naziri Emin Əmrullayevin qəbuluna düşməyə şərait yaradıb. Burada belə bir sual doğur: "Əgər Regional İdarənin rəhbərliyinin hansısa narahatlıq doğuran bir əməli olsaydı, bu zaman Vəfa Həziyevanın nazirlə görüşünə niyə şərait yaradılırdı? Təbii ki, məntiqlə müəllim adına yaraşmayan, peşə kodeksinə sığmayan vulqar ifadələrə, eləcə də şər-böhtana yol verən Vəfa Həziyevaya bu şərait yaradılmamalı idi. Ancaq idarə rəhbərliyi alnı açıq, üzüağ olduğu və heç nədən çəkinmədiyi üçün bu şəraiti yaradıb...
Bundan başqa, Vəfa Həziyeva müəllim adına yaraşmayan qeyri-etik və vulqar ifadələr işlətməklə məşğuldur. Görünür, onun dili artıq bu kimi ifadələrə öyrəşib. Belə bir şəxsin müəllim işləməyi isə heç bir məntiqə sığmır. Vəfa Həziyeva bu cür "leksikonla" öz şagirdlərinə, gələcəyin ziyalılarına hansı təlim-tərbiyəni verə bilər? Onun dərs dediyi şagirdlər gəlcək ziyalı kimi necə yetişə bilər? Təbii ki, şər-böhtan atan, xanıma və ən əsası müəllimə yaraşmayan vulqar ifadələr işlədən bir insandan şagirdlər yaxşı heç nə öyrənə bilməzlər. Necə deyərlər, "yalan ayaq tutar, amma yeriməz". Vəfa Həziyevanın yalanları da təmiz insanlara yapışmayıb və həqiqət öz yerini tutub.(TəhsilMedia.az)
Video:
Yenixeber.org olaraq yuxarıda sadaladığımız suallara obyektiv və subyektiv səbələrdən cavab tapa bilmədik. Həm də qeyd etdiyimiz kimi, məhkəmə proseslərini nəzərə almaqla, geniş yazımızı qarşıdakı günlərə planlaşdırırıq... Müəllim adına VƏFAsızlıq nümunəsinə həm ictimai qınağın, həm də aidiyyatı dövlət strukturlarının adekvat reaksiyası ümidi ilə mövzunu davam etdirəcəyik.(Yenixeber.org)
[center]
[/center]
