[center][/center]

Azərbaycan Respublikasının Müdafiə Sənayesi naziri olmuş Yavər Camalovun nəhəng biznes imperiyasına malik olduğu kimsəyə sirr deyil. O da sirr deyil ki, 2018-ci ildə haqq dünyasına qovuşan sabiq nazir və onun yaxınları əsasən otel və restoran biznesi ilə məşğul olub ki, bu haqda ölkə mətbuatında zaman-zaman bir-birindən sanballı yazılar yer alıb.

Nümunə üçün qeyd edək ki, Pravda.az saytının 22 yanvar 2020-ci il sayında yer alan “Keçmiş nazirin biznesi - Siyahı” səlövhəli məqalədə Yavər Camalov və onun yaxınlarına aid olan otel və restoranların siyahısı yer alıb ki, bu siyahı olduqca zəngindir. https://pravda.az/news/4842
Siyahıda qeyd olunduğu kimi, sabiq nazir təkcə Bakının Nərimanov rayonunda “KRAL” şadlıq sarayı, “Anatolia” oteli, “Premyer” oteli, “Admiral” oteli, “Ambiance” oteli, “Aksesuar inşaat” mağazası, onlarla qeyri yaşayış və yaşayış sahələri, Teymur Əliyev və Həsən Əliyev küçələrində yerləşən bir neçə dəbdəbəli villaya sahib olub. Keçmiş nazir və onun yaxınlarının Nəsimi rayonunda sahib olduqları əmlak isə daha böyükdür. Bura ”Ambassador” oteli, “Niaqara” restoranı, “Niaqara” şadlıq sarayı, “Olimpik Star” əyləncə mərkəzi, “Niaqara” restoranına bitişik “Araz” marketin binası, “Niaqara” şadlıq sarayına bitişik pullu avtomobil dayanacağı,
“Olimpik Star” əyləncə mərkəzinə bitişik böyük sahəyə malik pullu avtomobil dayanacağı,
“Vətən” kinoteatrının yaninda ticarət mağazaları, Füzuli kücəsində “Yapıkredibank”-ın fəaliyyət göstərdiyi qeyri-yaşayış sahəsi, Həsən Əliyev 13 ünvanda yerləşən “Avtomobil Təmiri Mərkəzi”, Bakı Sağlamlıq Mərkəzinin yaxınlığında yerləşən torpaq sahəsi və s. daxildir.

Yavər Camalov və yaxınlarına məxsus daşınmaz əmlaklarla bağlı Musavat.com saytında da xeyli məlumat var. Məsələn, Musavat.com saytının 23 mart 2016-cı il tarixli sayında “Yavər Camalovun milyonları batır... – Nazirin biznesi iflasın bir addımlığında” sərlövhəli yazıda sabiq nazirin böyük biznesindən bəhs olunur, konkret obyektlərin adları çəkilir:

“Qaynaqlarımız bildirirlər ki, Y.Camalovun Bakıda, Bakı ətrafında və bölgələrdə çox geniş biznes dairəsi var. «Aksessuar İnşaat» və «Çinar market» mağazaları, «Kral» şadlıq evi və bir neçə iaşə müəssisəsi, Səməd Vurğun küçəsindəki «Olimpik Star» idman kompleksi, «Ambasador» oteli və restoranı, «Niaqara» və “Qızıl Tac” restoranları müdafiə sənayesi nazirinin gerniş biznes şəbəkəsinin çox az bir hissəsidir.

Belə ki, bundan əlavə, Yavər Camalov şəhərin mərkəzində böyük telefon mağazaları şəbəkəsinə də malikdir. Onun həmçinin “Modern”, “Şafran” kimi otellərin də qeyri-rəsmi sahibi olduğunu bilməyən yoxdur.

Sözügedən nazirin həmçinin Rusiyada vaxtilə aylıq dövriyyəsi bir neçə milyon dollara çatan, hazırda isə ciddi böhran keçirən otellər və restoranlar şəbəkəsi mövcuddur. Bu otel və restoranlar nazirin Bakıdakı eyni təyinatlı obyektlərinin adlarını (“Niaqara”, “Kral”, “Ambassador” və s.) daşıyırlar”. (https://musavat.com/news/yaver-camalovun-milyonlari-batir-nazirin-biznesi-iflasin-bir-addimliginda_334663.html )

Bugünlərdə məlum olub ki, sabiq nazirə məxsus otel və restoranlar şəbəkəsi son 2 ildə daha da genişlənərək həm Bakıda, həm də bölgələrdə öz say və dəyərini artırıb. Üstün maliyyə imkanları və ticari əlaqələri hesabına rəqiblərini sıxışdıran Camalovlar biznes və otel sektorunda öz paylarını əhəmiyyətli dərəcədə yüksəldə biliblər.

Camalovlara məxsus biznesin əsas payçılarından biri Yavər Camalovun qardaşı - Zərdab Rayon İcra Hakimiyyətinin başçısı Mərdan Camalzadədir. Gələn yazımızda Camalovların son illərdə hansı obyektlərə yiyələndiyi, bu obyektlərin kmlər tərəfindən idarə olunması ilə bağlı ətraflı məlumatla çıxış edəcəyik.
TEREF