[center][/center]
Yazib bildirirəm ki, 23 dekabr 2025-ci il tarixində mən aldığım avtomobili öz adıma rəsmiləşdirərkən 5 saylı Lənkəran Qeydiyyat İmtahan və Texniki Baxış Şobəsinin polis əməkdaşları tərəfindən süründürməçiliklə rastlaşmışam. Səbəb o şöbəyə müraciət edən diğər vətəndaşlar kimi rüşvət verməməyim olub.
-Sual olunur: Maklerlərin Daxili İşlər Nazirliyinə aid olan bir binada nə işi var?
-Sual olunur: Hec bir məxviçilik statusu olmayan bir binada vətəndaşların mobil telefonları hansi əsasla və nə məqsədlə alınır və bu işi icra edən işçilərə qənaət baxımindan nə ehtiyac vardır və onlara hansı büdcədən maliyyə vəsaiti ayrılır?
-Sual olunur: Həmin şöbədə qanunvericilikdə nəzərdə tutulan texniki icra prosedurlarına görə vətəndaş nəyə görə 10 km aralıda yerləşən banklara və sair odəmə terminallarına göndərilməlidir bir şey ki həmin ödəmə terminalını elə həmin binanin ərazisində yerləşdirmək olar?
Sual olunur: Rüsum və ödenişləri mobil telefon vasitəsilə ödənməsi qanuni və texniki baxımından mümkün olduğü halda nəyə görə həmin şöbə belə ödənişləri qəbul etmir?
Nəyə görə qanuni əsasi olmayan bir işə görə, yəni vətəndaşların telefonlarının məcburi yığılmasina görə işçi ayrılır amma vətəndaşlara konsultasiya və digər mümkün ola bilən yardımlar üçün işçi ayrılmır?
Mən özüm bundan əvvəl də 2024-ci ildə avtomobilin mühərrik nömrəsində guya uyğunsuzluq olduğu barədə həmin şöbənin əməkdaşları tərəfindən 600 (altı yüz) manat rüşvət tələbi ilə qarşılaşmışam amma görürəm ki, şöbənin rəisi Kamran Məmmədov işçilərinin vətəndaşlarla münasibətində heç bir dəyişiklik etməmişdir. Yenə də həmin bazar, yenə də həmin tas. Avtomobili addan ada keçirmək 300-500 manat arasi, mühərrik nömrəsini qanuniləşdirmək 700-1000 manat arasi. Texniki baxiş və sürücülük vəsiqəsi almağin da öz rüşvət-qiymətləri mövcuddur-deyəcəklər sübut et?! Həmin binanin girişində vətəndaşin telefonun məcburən alinanda vətəndaş onu necə sübut edə bilər? Sübut odur ki, hər gün 102 qaynar xəttinə oradan şikayətlər olunur və vətəndaşlara 102-yə zəng etdiyinə görə boş ağ blanklara imza etdirilərək yola salinirlar! Yuxari instansiyaya şikayət olunan şöbə rəsmi olaraq özü şikayət edəndən izahat alir - qanuna baxin siz!
Yaxşi bəs bu qədər pulları Kamran Məmmədov neynir? Doğrudanmı rəsmi dövlət qurumları həmin şöbədə baş verən qanunsuz hərəkətlərdən xəbərsizdirlər?
Bu bir dəhşətdir, bu bir faciədir! YHH qanunun müvafiq maddəsindən sitat gətirən vətəndaşa bunlar düşmən kimi münasibət bəsləyirlər! İmkanlari olsa həmin vətəndaşın diri-diri dərisini elə həmin şöbənin ərazisində soyarlar ki, o birilərinə də dərs olsun. Yaxşı bəs bunun axiri hara gedir?
Bilsəm ki, həmin rüşvət dolayisi ilə də dövlətin hansısa xeyriyyə işinə sərf olunursa heç naraziliq etməzdim. Amma mən əminəm ki, Kamran Məmmədov başda olmaqla həmin şöbədə işləyən əməkdaşların N qədər pulları, mənzilləri, obyektləri vardır. Sual olunur ki, niyə mən Kamran Məmmədova bac-xərac verməliyəm, nəyə görə?!
Özü də həmin gün şöbənin rəis müavini İlqar müəllimə dilimlə dedim ki, mən bu şöbədə keçən il bu kimi süni yaradılan problemlərlə rastlaşmışam və mən rəsmi dövlət rüsumundan 1 manat da artıq pul verən deyiləm, yəni bu artıq ona siqnal olmalı idi ki, bu adam gedib şikayət edə bilər. Bunu bilə-bilə məni həmin gün orada yaxşıca ələ saldılar, süründürdülər, 30 dəqiqəlik bir prosedura görə səhərdən axşama kimi vaxt itirməli oldum, ara yerə 40 manat pulum da DİN-nin hesabina əlavə artıq məbləğ kimi ödənildi. Sonda məcbur qalıb şöbənin həyətində Kamran Məmmədovun kabinetinin aşağasinda durub: "Kamran müəllim, Kamran müəllim" deyə bağırdıqdan sonra məni yenidən İlqarın yanına apardılar. Hələ bir xəbərdarlıq da etdilər ki, bağırsan - PPX gəlib asayişi pozduğuna görə səni maşına basıb aparacaqdır.
Qanuna arxalanan bir vətəndaş kimi bizim görəcəyimiz günlərə baxin. Qanun tələb etməməlisən, tələb etsən isə PPX gəlib səni həbs edəcəkmiş...
Kamran Məmmədovu və onun işçilərini ancaq gizli kamera və "Rüsvət" yazılmış pul ilə ifşa etməkdən başqa yolu yoxdur. Bunlar düzələn deyil!
Hormətli redaksiya! Mən fəhlə adamam, maaşdan başqa Kamran Məmmədovun işçiləri kimi əlavə "левый" gəlirim yoxdur. Ona gorə də həmin gün artiq ödədiyim 40 azn pulun geri qaytarilmasinda mənə koməklik etməyinizi xahis edirəm. Cunki 102 xidmətinə zəng edirəm, onlar şikayəti yonəldir Baş Dövlət Yol Polisinə, oradan da mənə məktub gəlir ki, guya mənimlə əlaqə saxlanildi və nələrsə izah olundu. Daha vətəndaşi bu qədər də ələ salmaq olmaz axi?!(TEREF)

Hörmətlə: Rac Kərimov, Masalli rayon Mollahəsənli kəndi.

Qarşı tərəfində mövqeyini dərc etməyə hazırıq!