[center][/center]
Budur, yeni 2026-cı ilin ilk ayını başa vurmaq üzrəyik. Hərə bir cür qarşıladı yeni ili. Min bir dərdi olan da hər şeyə rəğmən “bayramdır” deyib bayram süfrəsi açmaq, dost-qonaq yanında xar olmamaq üçün son imkanını da səfərbər elədi. Düşüncəsində özünə haqq qazandırdı: “Yeni il axşamını şad-xürrəm keçirim, təqvimin ilk gününü xoş əhvalla qarşılayım, sonrası Allah kərimdir”.

Amma sən saydığını say, gör fələk nə sayır. Şikayətinin əslini araşdırılması üçün Azərbaycan Qida Təhklükəısizliyi Agentliyinə, ictimailəşdirilməsi üçün də redaksiyamıza ünvanlayan Yasamal rayon sakininin yeni il süfrəsinə sözün əsl mənasında zəhər qatıblarmış.
İndi isə vətəndaşın şikayətinə nəzər yetirək:
“31 dekabr 2025-ci il tarixdə ölkəmizdə Dünya Azərbaycanlılarının Həmrəylik Günü münasibətlə keçirilən bayram şənliyi ilə əlaqədar biz də evimizdə bayram süfrəsi açmaq qərarı verdik.
Bu münasibətlə 3,5 kq "hind" toyuğu və 2,5 kq "belomor" balığı alıb kabab bişirmək üçün qonşuluqda, Hüseyn Cavid prospekti 209-215 ünvanında yerləşən "Çinar Pub" kafesinə gəldik.
[center][/center]
Kafedə kababçını soruşduq. Məlum oldu ki, adı çəkilən obyektin kababçısi Brilliant adlı bir xanımdır. Əti məndən təhvil alıb, çəkisini öz dəftərinə qeyd etdi. Və ətin hər kiloqramını 5 manat müqabilində bişirəcəyini bizə bildirdi. Bir saatdan sonra yenidən həmin kafeyə döndüm. İçəridəki əməkdaşlar bildirdilər ki, bir azdan hazır olar. Gözlədiyim müddət ərzində özümə içəcəklər sifariş etdim. Ümumi borcumun 33 manat olduğunu öyrənib ödəniş etdim.
Kababçı özu şəxsən əti təhvil almasına baxmayaraq, kababı mənə başqa bir qız əməkdaşı təhvil verdi. Bayram günü səbirsizliklə kababı gözləyən qonaqlarım və ailəm sarsıntı keçirdilər. Belə ki, 1 tikə deyil, 3 tikə deyil bütöv 6 kiloqramdan artıq kabab kömür kimi qaralmışdı. Bir sözlə, kabab yararsız hala salınmışdır. Qeyd edim ki, kababın yanmış hissələri belə kəsilib atılmamışdır. Kabab həddən artıq qara-yanıq olmuşdu, bu da yeməyin dadına təsir göstərmişdir.
Belə yemək də sözsüz ki, sağlamlığımız üçün təhlükəli hesab olunur. Cünki bu zaman kanserogen maddələr əmələ qəlir. Görünür ki, kabab kömürlə birbaşa, çox yaxın təmasda olub və yaxud da obyektin kababçısı naşıdır.
[center][/center]
Bildiyimiz kimi, ətin yanmış hissələrində heterosiklik amillər (HCA) və polisiklik aromatik hibrokarbonlar (PAN) kimi maddələr xərçəng riskini artırır.
01.01.2026-cı il tarixdə yanmış kababı və obyektə məxsus qazanı qötürüb obyektə doğru getdim. 2-3 dəfə getməyimə baxmayaraq, obyekt qün ərzində açılmadı.
Ancaq qünün sonuna yaxın saat 18-19 radələrində gəzinti zamanı obyektin qapısının açıq olduğunu və obyektin qarşısında 2 əməkdaşı görüb onlara yaxınlaşdım. Baş vermiş hadisənin onlara danışdım, lakin onlar anlaşılmazlıq nümayiş etdirib, "sabah gələrsən, indi bağlıyıq" söylədilər.
02.01.2026-cı il tarixində saat 12:00 radələrində qonşu Elnur ilə yanmış kababı götürüb obyektə getdik. Yanmış kababı Brilliant xanıma göstərib sarsıldığımızı bildirdik. Brilliant xanım bizi gözəl anladığını, problemi aradan qaldıracağını bildirdi. Bütün bunlara baxmayaraq, həmin günü axşam saat 20-21 radələrində Brilliant xanım verdiyi sözü danaraq bildirdi ki, "kababı bişirib pulunu müdirə vermişəm, bu səbəbdən sabah, yəni 03.01 2026-cı il tarixdə müdir obyektə gələndə siz də gələrsiniz".
Bir sözlə, bu obyektdə özbaşınalıq baş alıb gedir. Burada insanların nə sağlamlıq baxımından təhlükəsizlyi, nə də mənəvi sarsıntıları nəzərə alınır.
Bu cür halları sıradan bir vətəndaş aradan qaldıra bilməz. Baxmayaraq ki, təhlükəsizlimizi özümüz qorumağımız üçün yediyimiz qidalara xüsusi fikir verməliyik.
[center][/center]
Şükürlər olsun ki, bu gün məmləkətinimizdə bu çür hallarla müvafiq qurumlar mübarizə aparırlar. Düşünürəm ki, təşkilatınız şikayətimi obyektiv araşdırıb ədalətli qərar verəcək. Əks halda bu kimi obyektlər insanlarımızın həyatını təhlükəyə atmağa davam edəcəklər.
Öncədən təşəkkür edirəm”.
Vətəndaşın redaksiyaya verdiyi əlavə məlumata görə, AQTA-ya şikayət edəndən sonra qurum sözügedən obyektdə yoxlama aparıb, 4 gün obyekt bağlı saxlanılıb. Amma buna baxmayaraq, obyekt sahibi cərimə olunmayıb. Nə də ki, obyekt sahibi istehlakçıya vurduğu ziyanın qarşılığını ödəməyib. Heç üzrxahlıq da etməyib. Nəhayət, obyekt normal şəkildə işinə davam edib.
Ümumən 130-150 manat maddi ziyana düşdüyünü, ən əsası isə bayram günü qanı qara qaralaraq qonaqları yanında pərt olan, mənəvi zərər gördüyünü deyən şikayətçiyə isə 15.01.2026-cı il tarixdə belə bir məzmunda yayındırıcı məktub göndəriblər:
“Müraciətinizlə bağlı adıçəkilən qida obyektində Azərbaycan Respublikasının Ədliyyə Nazirliyinin sahibkarlıq sahəsində aparılan yoxlamaların vahid məlumat reyestrindən alınmış Çıxarışa və “Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” Azərbaycan Respublikası Qanununa əsasən əməkdaşlarımız tərəfindən plandankənar (növbədənkənar) yoxlama həyata keçirilmişdir. Keçirilən yoxlama zamanı qida obyektində qida təhlükəsizliyi sahəsində normativ hüquqi aktKeçirilən yoxlama zamanı qida obyektində qida təhlükəsizliyi sahəsində normativ hüquqi aktların tələblərinin pozulmasına dair bir sıra faktlar aşkar edilmiş və qida obyektinin rəhbərliyi barəsində Azərbaycan Respublikasının İnzibati Xətalar Məcəlləsinin müvafiq maddəsi ilə inzibati xəta haqqında protokol tərtib olunmuşdur.
Eyni zamanda qeyd olunan məsələ ilə əlaqədar olaraq qida obyektinin rəhbərliyinə qida təhlükəsizliyi sahəsində texniki normativ hüquqi aktların tələblərinə riayət edilməsi barədə icrası məcburi göstərişlər verilmiş və bu sahədə qanunvericiliyin tələbləri izah edilmişdir”.
AQTA rəhbəri Qoşqar Təhməzli, Agentliyin Bakı regional bölməsinin rəis müavini Pərvin Balayev və onların “Çinar Pub” kafesinə yoxlamaya göndərdikləri müfəttiş bununla da işlərini görmüş, vəzifələrini bitirmiş hesab ediblər. Belə çıxır ki, AQTA əməkdaşları hansısa maraqlar qarşılığında vətəndaşın hüquqlarını pozaraq, kafeyə “yaşıl işıq” yandırıblar.
Gəlin, xatırlayaq görək, “Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” Azərbaycan Respublikası Qanunu hansı zərurətdən qəbul olunmuşdu. Həmin qanunun qəbuluna qədər nəzarətedici orqanlar istədikləri vaxt istədikləri obyektdə yoxlama aparır, sahibkarların fəaliyyətinə süni maneələr yaradırdılar. Sahibkarlar isə heç bir neqativ hala yol vermədikləri təqdirdə belə, ən azı yoxlama dövründə vaxt itirməsinlər deyə nəzarətçi orqanların funksionerlərinə rüşvət verirdilər. Hərçənd, qanunda nəzarətedici orqanın növbədənkənar yoxlama aparması üçün istisna hallar nəzərdə tutuldu. Məsələn, sahibkarlıq subyektinin fəaliyyətindən şikayət olunduğu hallarda belə yoxlamaların aparılmasına icazə verilir. Başqa sözlə, məlum qanun həm də korrupsiyaya qarşı tədbir kimi qəbul olunmuşdur.
İndi isə baxaq görək, vətəndaşın şikayəti nə ilə nəticələnib: Nəzarətedici orqan qanundakı istisnadan dolayı obyektdə növbədənkənar yoxlama aparmaq fürsəti qazanıb. Dörd gün obyekti bağlı saxlayıb (daha uzun müddətə də bağlaya bilərdi). Sahibkarın barəsində inzibati protokol tərtib edib (Sahibkarın nə qədər cərimə olunduğu şikayətçiyə bildirilməyib). Ancaq zərərçəkənə məhkəməyə müraciət edərək çəkdiyi ziyanın məbləğini sahibkardan istəməsi üçün əl yeri də qoyulmayıb. Məktubu tərtib edən cənab Ballayev adresata hətta heç xatırlatmayıb da ki, onun məhkəməyə müraciət etmək hüququ var.
AGTA struktur vahidinin şikayətçiyə verdiyi cavabdan bilinmir ki, qida obyektində aparılan yoxlama nəticəsində aşkar olunan pozuntular birbaşa və ya dolayısı ilə şikayətin motivi ilə əlaqəlidir, ya yox. Təbii ki, AQTA-nın kafe sahibinə verdiyi icrası məcbur göstərişlər sırasında şikayətçiyə dəyən 130-150 manat ziyanın ödənilməsi öhdəliyi yoxdur. Yəni sabah sahibkar deyə bilər ki, şikayətçi yalan danışır, onun kababı yandırılmayıb, Agentliyin əməkdaşları isə obyektdə tamam başqa pozuntular aşkarlayıblar. [b](Gundemxeber.com)

Qeyd: Şikayətçi bildirir ki, bu məsələni müvafiq orqanlar qarşısında prinsipial əsasda qaldırmaq niyyətindədir. Şikayətçi deyib: “Əgər AQTA kimi dövlət qurumu vətəndaşın müraciətinə bu qədər laqeyd yanaşırsa, mənim başqa çarəm yoxdur. Əgər adı çəkilən qurum bu hadisəyə bu qədər laqeyd yanaşırsa, bu, onların bütün məsələlərə qarşılıqlı maraqlara əsaslanan yanaşmasının bariz nümunəsidir. Bir sözlə, onların vətəndaşları “yolavermə” siyasəti davam edir.”[/b]