Ağstafa icra başçısının ailə həyatı ilə bağlı yeni iddialar
[center]
[/center]
Ağstafa Rayon İcra Hakimiyyətinin başçısı Seymur Orucovun ikinci dəfə boşanması ilə bağlı məlumat yayılıb.
Bizimesr.az bildirir ki, icra başçısı Rəqəmsal İnkişaf və Nəqliyyat Nazirliyinin tabeliyində fəaliyyət göstərən “Bakı Telefon Rabitəsi” MMC-nin ictimaiyyətlə əlaqələr üzrə baş mütəxəssisi vəzifəsində çalışan Alidə Mustafayeva ilə evlidir.
Xatırladaq ki, Alidə Mustafayeva ilə Seymur Orucovun toy mərasimi 2024-cü ilin fevral ayında baş tutub. Bu evlilik Seymur Orucovun ikinci evliliyi olub.
Seymur Orucov daha əvvəl Azərbaycan Dövlət İqtisad Universitetinin sabiq rektoru, keçmiş deputat Şəmsəddin Hacıyevin qızı Çeşmi Hacıyeva ilə ailəli olub. Onlar bir müddət əvvəl rəsmi şəkildə boşanıblar.
Ağstafa Rayon İcra Hakimiyyətinin rəsmi internet saytında yer alan məlumata görə, Seymur Orucov dörd uşaq atasıdır. (Bizimesr.az)
Qarşı tərəflərin mövqeyini işıqlandırmağa hazırıq.
