[center][/center]
“Kristal”ın Yasamalda fəaliyyət göstərən “Park Yasamal” layihəsi reklamlarında “Evini hissə-hissə al” modeli ilə faizsiz və kreditsiz mənzil sahibi olmaq imkanı vəd edir.

Bizimesr.az bildirir ki, reklamda alıcı seçdiyi kvadratmetri rəsmi sənədləşdirə, əlavə sahə ala və yatırdığı vəsaiti illik 12% artımla geri ala bilər. Hətta ilkin ödənişin ƏDV hissəsi 30 gün ərzində geri qaytarılır.

Bizimesr.az araşdırmaları göstərir ki, bu iddialar həmişə real vəziyyətlə uyğun gəlmir və vətəndaşlar üçün ciddi maliyyə riskləri yarada bilər.

“Park Yasamal”ın reklamında alıcı üçün təqdim olunan üstünlüklərə diqqət etmək lazımdır. İstədiyi kvadratmetri rəsmi sənədləşdirmək imkanı - ödəniş birbaşa mənzil sahəsinə çevrilir. Hissə-hissə ödəniş zamanı faiz və aylıq öhdəlik olmaması və toplanan vəsait mənzil alınmasa digər variantlara yönləndirilir və ilkin ödənişin ƏDV hissəsinin geri qaytarılması 30 gün ərzində.. İlk baxışdan əla görünür, cəlbedicidir. Bu təqdimat alıcıya “risksiz” və “tam şəffaf” model təsiri yaradır.

Praktikada isə vəziyyət fərqlidir və bir sıra vacib nüanslara diqqət etmək lazımdır.

Hissə-hissə ödənişin hüquqi statusu - Əslində reallıq budur, tikinti mərhələsində alınan kvadratmetr sahə faktiki olaraq alıcının tam mülkiyyətinə keçmir. Sənədləşmə yalnız mənzil tamamlandıqdan sonra mümkündür və əgər mümkün olsa...

Qiymət artımı və inflyasiya - Reklamda sahənin bazar qiyməti ilə artacağı iddia olunur, amma bazar tez-tez dəyişir. Tikinti gecikməsi və bazar ucuzlaşması alıcının real dəyərinə təsir edə bilər.

Gizli xərclər - Komunal xidmətlər, sənədləşdirmə və əlavə təmir xərcləri reklamda göstərilmir, lakin ödənilməsi alıcının öhdəsinə düşə bilər.

ƏDV və illik 12% artım - bu yalnız şirkətin daxili qaydalarına uyğun tətbiq olunur və prosedur gecikə bilər.

Vətəndaş üçün əsas maliyyə riskləri isə diqqətdən kənarda qalır. Hissə-hissə ödəniş tamamlanmış mənzilə dərhal çevrilmir. Bazar qiymətlərinin dəyişməsi yatırılan vəsaitin real dəyərini azalda, gizli xərclər isə alıcının büdcəsini artıra bilər. Həmçinin tikinti gecikmələri və plan dəyişiklikləri əlavə risk yaradır.

Ekspertlər dəfələrlə bəyan edirlər ki, belə layihələrdə müqavilənin bütün şərtləri diqqətlə oxunmalı, mümkün gecikmələr və əlavə xərclər nəzərə alınmalıdır.

“Park Yasamal” layihəsi reklam baxımından cəlbedici görünür, reklamda yalnız şirkət özünə lazım olanları qeyd edir və bunu da özünün reklam verdiyi media qurumlarında bəh-bəhlə yayır. Əslində isə risqlər də nəzərə alınmalıdır və bu vətəndaşa açıq deyilməlidir. laıkin alıcılar üçün real maliyyə və hüquqi risklər mövcud olsa belə bunlar sadalanmır. Hissə-hissə ödəniş, ƏDV geri qaytarılması və illik artım kimi imtiyazlar yalnız marketinq mesajıdır və həmişə praktikada işlək olmaya bilər.Bu isə bir başa marketinq aldanışıdır.

Mənzil almaq istəyən vətəndaşlar yalnız reklamın cazibəsinə aldanmamalı, müqaviləni diqqətlə öyrənməli və lazım gələrsə hüquqi məsləhət almalıdırlar. Bu, həm maliyyə təhlükəsizliyini təmin edir, həm də gözlənilməz sürprizlərin qarşısını alır.(Bizimesr.az)