[center][/center]
[b]"Aqrar İnnovasiya və Təzhizat" şirkətinin həbsdə olan keçmiş işçisi, 7 il müddətinə azadlıqdan mərhum edilən Elvin Məmmədli Vilayət oğlunun ailə üzvləri redaksiyamıza müraciət edib. Onun ailə üzvləri və ailə yaxınları isə 32gun.az-a müraciətdə bildirir ki, yalnız Elvin Məmmədlinin məsuliyyətə cəlb olunması doğru deyil. Ailədən gələn məlumatda iddia edilir ki, aqrar sektorda fəaliyyət göstərən bir neçə şirkət var ki, “obnaliçka” (pul silinməsi) əməliyyatı ilə məşğuldur. İddiaya görə, həmin şirkətlər milyonlarla vəsaitin mənimsəməsinə dair faktlar mövcuddur. “Bu barədə müəyyən dövlət qurumlarına da müraciət edilib. Hələ ki, bu müraciətlərin nəticəsi yoxdur.
[/b]
Ona görə də məsələni icitimailəşdirmək qərarına gəlmişik. Biz demirik ki, Elvin tam təqsirsizdir. Xeyr, onun təqsiri var. Amma təqisir olan tək o deyil”, - deyə müraciət müəllifləri bildirib. Müraciətdə adı hallananlar Kənd təsərrüfatı məhsullarının (pestisidlər, toxumlar, gübrələr) təchizatçısı Şəmkir rayon sakini, fiziki şəxs Ülviyyə Ənvər qızı, "Zirvə Aqro", "Amin-Q", "Aqro servis" şirkətləri, “Rövşənoğlu şirkətlər qrupuna daxil olan "Rövşənoğlu1", "Rövşənoğlu2", "Rövşənoğlu3" , eləcə də “AzGübrə”, “TapAgro” , “GübrəAz” şirkətləridir. Tovuz rayonundan Tağıyev Feyruz oğlu Fariz Tağıyevin adın şirkət açıb. Bu gün Feyruz Tağıyev dövlət işində çalışdığına görə oğlu Fariz Mehdiyev adına şirkət açıb. Qardaşı Çingiz Tağıyev Tovuzda "Qara Bazar" ləqəbi ilə tanınır. Tovuzdan olan Cəfərov Habil, "Aqro lizinq" rəhbəri Cavanşir Əmrahov, Yenə "Aqro Lizinq" şirkətlərinin birində rəhbər postda çalışmış İlham Vəliyev, həmçinin Saniyev Oruc, Qubadan Hakdari Elnur, İmişlidən Hümbət Həsənovdur (Hacı Hümbət ləqəbli). Bütün bu adlarını sadaladıqlarımız şirkət və şəxslər Azərbaycanın kənd təsərrüfatının qənimi kəsilib. Bunların hər biri "şəbəkə" fəaliyyəti göstərirlər. Elvin Məmmədlinin yaxınları iddia edir ki, bu şirkətlər faktiki olaraq qanunsuz fəaliyyətlə məşğuldur. İddialara görə, dövlət vəsaitləri məhz bu şirkətlərin vasitəsilə qaranlıq məqsədlərə sərf edilir: “Rövşənoğlu” şirkətinin təsisçiləri Tural və Turqay Nağızadə qardaşlarıdır. Onların fəaliyyəti niyə araşdırılmır? Elvin günharkardırsa, bu şəxslər ondan daha çox günahkardır. Çox sayda onların qurbanı olan oğullarımız var. Hələ podratçı şirkətlər də var. Araşdırmalar aparılsa, onlar da üzə çıxacaq. Hələ başqa faktlar da var. Təsəvvür edin, torpaq sahələrinə subsidiyalar ayrılıb. Amma həmin torpaqlarda heç bir iş aparılmayıb. Bu dövlət vəsaitinin məniməsilməsi deyilmi? Qanunsuzluq o həddə çatıb ki, dəmyə torpağına belə, susbsidiya ayrılıb.”, - müraciətdə vurğulanır. Müraciət müəllifləri gübrə satışında da qiymətlərin şişirdildiyini bildirir. “Yəni, gübrə real qiymətindən dəfələrlə baha satılır. Məsələn Rusiyada 17 manata satılan gübrə burda 90 manata satılır. Beləliklə, milyonlarla manat vəsait əldə edilir. Bəs nə üçün bu adamlar barəsində heç bir tədbir görülmür? Elvin Məmmədli dərhal həbs edilir, 7 il azadlıqdan məhrum olunur, amma göz qabağında baş verən bu qanunsuzluqlara göz yumulur”, - deyə Elvin Məmmədlinin yaxınları vurğulayıb. "Ölkə başçısı cənab prezidentin kənd təsərrüfatına və inkişafına göstərdiyi diqqət qayğı göz önündədir. Bu danılmaz faktdır. Hər il kənd təsərüfatının inkişafı, rayonlarda və kəndlərdə yaşayan fermerlərin rifahının yaxşılaşdırılması üçün dövlət büdcəsindən hər il milyonlarla manat subsidiya şəkilində vəsait ayrılır. Həmin vəsaitlərin ayrılması vətəndaşların bu vəsait hesabına gübrə və toxum alaraq kənd təsərrüfatını daha inkişaf etdirmələrinə xidmət edir. Bir qrup dəstə öz cinayətkar əməllərinə davam edir. Ali Baş Komandanın dəstəyinə mane olmağa çalışır. Yuxarıda adı keçənlər nağdsız olan kartlardakı subsidyaları mənimsəyib, müəyyən faiz qismini öz yaxınlarının adlarına açılmış şirkətlər vasitəsi nağdlaşdırırlar" deyə ailə üzvləri vurğulayıb. Qeyd: Ailə üzvləri və Elvin Məmmədli ilə bağlı məsələni redaksiyamıza çatdıran şəxs onun ailə yaxını Vəlizadə Toğruldur.(32gun.az)