[center][/center]
Azərbaycanda tanınmış geyim mağazalarının sahibi Mustafa Tayatla bağlı daha bir ciddi iddia səsləndirilib.

Onun keçmiş həyat yoldaşı Suzana Babayeva Bizimesr.az-a ünvanladığı müraciətdə illərdir fiziki və psixoloji təzyiqə məruz qaldığını bildirir.

Suzana Babayevanın sözlərinə görə, 5 il əvvəl rəsmi şəkildə boşanmalarına baxmayaraq, keçmiş həyat yoldaşı onu rahat buraxmır və təzyiqlər davam edir. O iddia edir ki, birgə nikahdan olan iki azyaşlı övladından ona qarşı vasitə kimi istifadə olunur.
[center][/center]
Müraciətdə qeyd edilir ki, nikah dövründə dəfələrlə ağır fiziki zorakılıq halları yaşanıb:“Birlikdə nikahda olduğumuz vaxtlarda məni dəfələrlə ağır şəkildə döyüb, hətta bıçaqlayıb. Bununla bağlı Mustafa Tayat barəsində Xəzər Rayon Məhkəməsində barəsində iş açılıb və cərimələnib.”

Musyafa Tayayın keçmiş həyat yoldaşı bildirir ki, təzyiqlər boşanmadan sonra da davam edib. Onun sözlərinə görə, təxminən 3 ay əvvəl Mustafa Tayat iki azyaşlı övladını da yanına alaraq polisə müraciət edib və guya onun “yüngül həyat tərzi” keçirdiyini iddia edib:"Hətta öz kişi çevrəsini qanunsuz şəkildə mənə nəzarət etdirmək üçün üstümə yönləndirib. Məni bir gün ərzində iki dəfə narkoloji testdən keçməyə məcbur ediblər. Hər iki testin nəticəsi neqativ çıxıb. Buna baxmayaraq, təzyiqlər dayanmır”.

Suzana Babayeva əlavə edir ki, məhkəmə qərarı ilə uşaqların vəlayəti ona verilsə də, keçmiş həyat yoldaşı oğlunu 3 aydır yanında saxlayır və aliment öhdəliyini yerinə yetirmir: "Məhkəmə vəlayəti mənə verdiyi halda, oğlumu 3 aydır yanımda qoymur. Uşağı elə doldurub ki, sırf mənə əziyyət etmək üçün mənə qarşı münasibət göstərir. Övladlarımın alimentini də ödəmir.”

Onun sözlərinə görə, hazırda Mustafa Tayat tərəfindən Xəzər Rayon Məhkəməsində yenidən iddia qaldırılıb və uşaqların anadan alınaraq ona verilməsi tələb olunur: "Hazırda Xəzər Rayon Məhkəməsində mənə qarşı haqsız iddualarla iş qaldırıb, uşaqları məndən almaq istəyir. Müxtəlif formalı şər və böhtanların ardı-arası səngimir. Etdiyim müraciətlət araşdırılmır və Mustafa Tayat övladlarımı əlimdən almaq üçün bütün yollara əl atır, Aidiyyatı qurumlara səslənirəm - mən illərdir Azərbaycan vətəndaşı olaraq Mustafa Tayayın psixoloji, fiziki təzyiq altındayam. İndi də övladlarım üzərindən mənə təzyiq göstərilir. Mustafa Tayat məni intihar həddinə çatdırıb”.

Suzana Babayeva bildirir ki, səsləndirdiyi bütün iddialarla bağlı rəsmi sənədlər mövcuddur və lazım gəldiyi halda isyənilən quruma təqdim etməyə hazırdır.

Qeyd edək ki, səslənən iddialarla bağlı adı çəkilən Azərbaycanda tanınmış geyim mağazalarının sahibi Mustafa Tayatın da mpvqeyini işıqlandırmağa hazırıq.

Bizimesr.az