"Azəristiliktəchizat" ASC vergi borcu olan şirkəti tenderdə qalib seçdi - 788 min AZN-lik
"Azəristiliktəchizat" ASC-nin "Xüsusi texnika və nəqliyyat vasitələri üçün ehtiyyat hissələrinin satın alınması" ilə bağlı elan etdiyi tender başa çatıb.
32gun.az xəbər verir ki, tenderin qalibi "AVTO TEXNİKA DETALİNG" MMC olub. Tərəflər arasında 788.948 AZN-lik müqaviləyə imza atılıb.
Əldə etdiyimiz məlumata görə, qalib şirkətin dövlətə vergi borcu mövcuddur. Belə ki, "AVTO TEXNİKA DETALİNG" MMC-nin hazırki vergi borcu 4509.21 AZN təşkil edir.
Bildirək ki, nizamnamə kapitalı 20 AZN olan "AVTO TEXNİKA DETALİNG" MMC-nin qanuni təmsilçi TEYMUR MÜSLÜMOV ƏKRƏM oğludur.
Qeyd edək ki, “Dövlət satınalmaları haqqında” Qanun vergi borcu olan şirkətlərin, şəxsin tenderdə iştirakını qadağan edir.
Xatırladaq ki, “Azəristiliktəchizat” ASC-nin sədrinin vəzifəsini müvəqqəti icra edən İlham Mirzəliyevdir.
Ayxan
