Hər kəsə məlumdur ki, Saleh Məmmədovun rəhbərlik etdiyi Azərbaycan Avtomobil Yolları Dövlət Agentliyində (AAYDA-da) Əvəz Qocayevin ən imkanlı vəzifə sahibi olması geniş ictimaiyyətə bəllidir. Faktdır ki, bu dövlət qurumunda çoxsaylı maliyyə maxinasiyalarının baş verməsi, yaxın qohum-əqrəbanın, dost-tanışın mühüm vəzifələrə təyin olunmaları, həyata keçirilən işlərin standartlara cavab verməməsi və s. kimi hallar baş verdiyindən, bu qurumun fəaliyyəti hər zaman geniş ictimai müzakirələrə səbəb olur. Son vaxtlar AAYDA-da sədrin birinci müavini Əvəz Qocayevin adı ilə bağlı yaşanan qalmaqallar, dedi-qodular sərhəd tanımır. Bir sözlə, bu şəxsin adı ilə bağlı olanlar, bu gün də ölkə gündəmini zəbt edən əsas mövzulardan birinə çevrilməkdədir. Söylənilənlərə görə, Əvəz Qocayev AAYDA-da 1-ci müavin olduğu vaxtdan indiyə kimi elə bir formada var-dövlətə malikdir ki, onun sahib olduğu əmlakların sayı-hesabı bilinmir. Məsələn, bu şəxsin "Lido"nun ətrafında, daha dəqiq desək "Bravo" marketlər şəbəkəsi ilə üzbəüz hoteli, Kürdəmirdə nəvəsi Nicatın adına restoranı, Novxanı qəsəbəsində nəvələri Nihad və Nicatın adına restoranları, Cəfər Xəndam küçəsində qızının işlətdiyi "Platis" idman zalı, Hənifə Əliyeva küçəsində "Gilənar" restoranı və s kimi daşınmaz əmlakları var. Bunlar Əvəz Qocayevin sahib olduğu daşınmaz əmlakların yalnız cüzi bir hissəsidir.
Qeyd edək ki, bu dövlət qurumunda yerlibazlıq, dostbazlıq, qohumbazlıq və s. hədsiz dərəcədə tüğyan etdiyindən, AAYDA-da Əvəz Qocayev daha çox öz yerlilərinin “harayına çatır”. Məsələn, bu şəxs həmyerlisi Cəfər adlı şəxsi özünə köməkçi təyin edib və bütün "qara-qura işləri"ni də ona həvalə edib. Dolaşan başqa bir söz-söhbətlərə görə, Cəfər adlı şəxs Əvəz Qocayevin köməkçisi deyil, birbaşa “qara kassa"sıdır. Adicə bir faktı qeyd edək ki, media nümayəndələrindən bir kimsə Əvəz Qocayevin iş nömrəsinə zəng edib hansısa məsələni dəqiqləşdirmək istədikdə, dərhal hazırcavablığı ilə tam əksəriyyətdən fərqlənən Cəfər adlı şəxs “Bir də bu nömrəyə zəng etməyin” deyərək "əndazə"ni aşır. O halda ortaya belə bir sual çıxır ki, görəsən bu şəxs hansı hüquqi səlahiyyətə malikdir ki, media nümayəndələrinin sual verib cavab əldə etmək istəklərini qadağan edir?

Əvəz Qocayevin özünə köməkçi təyin etdiyi bu şəxslə bağlı apardığımız araşdırmalar zamanı o da bəlli oldu ki, səndemə Cəfər adlı şəxs öz rəhbərinin “qara-qura işləri"ni ört-basdır etmək üçün hər cür rola girməyi də bacarır. Hər kəs onu da gözəl bilir ki, bu dövlət qurumunda büdcə talançılığına qol qoyulmasında Əvəz Qocayevin xüsusi rolu olur. Belə bir səbəblərdəndir ki, bu gün Əvəz Qocayev ölkə miqyasında deyil, hətta ölkə hüdudlarından da kənarda ən imkanlı şəxs olaraq tanınır.
Media üzərindən apardığımız araşdırmalar zamanı o da bəlli oldu ki, Əvəz Qocayevin fəaliyyəti sədr Saleh Məmmədov tərəfindən də lazımınca qiymətləndirilmir. Artıq müəyyən çevrələrdə Saleh Məmmədovla Əvəz Qocayevin yollarının ayrıldığı da söylənilir. Belə bir səbəbdən də, sədr Saleh Məmmədovun öz müavinini işindən uzaqlaşdıracağı ilə bağlı sərəncam verəcəyini, bu gün tam əksəriyyət səbirsizliklə gözləməkdədir. Buna əsas səbəb, Əvəz Qocayevin adının daha çox qalmaqallı məsələlərdə hallanmasıdır. Bir sözlə, AAYDA-nın sədri artıq Əvəz Qocayev yükündən azad olunmaq istəyinə düşdüyü də söylənilir. Söz yox ki, vəziyyətin belə bir həddə gəlib çatmasında Əvəz Qocayevin danılmaz xidmətləri var. Yazıda adı çəkilən hər kəsin mövqeyini dinləyə bilərik.

Mövzuya qayıdacağıq. Bizi izləyin.