" "Azneft" İstehsalat Birliyinin 28 May NQÇİ özülündə stasionar kranda operator işləyirəm. 28 May NQÇİ də bütün peşə sahibləri normal qrafiklə (12 saat iş, 12 saat istirahət), 1 həftə gecə, 1 həftə gündüz növbəsində işləyirlər, lakin kran operatorlarına da belə müqavilə təqdim olunsa da , ancaq sadəcə müqavilədə öz əksini tapır..." Dia-az,info bildirir ki, bu barədə neft çalışanının gileyində ifadə olunub.

Narazı vətəndaş daha sonra bildirir: "İşə gəldikdə isə bu belə deyildir. Kran operatorları 12 saat əvəzinə 16, bəzən 18 saat işləməli olurlar. Çünki bloklarda 2 "kranovşik" əvəzinə 1 nəfər 15 gün ərzində gecə-gündüz işləməlidir. İşçi götürmək əvəzinə insanları belə istismar edirlər'. Gündüz işləyən "kranovşik" axsam da işləməli olur. Bu təhlükəli işə bu müdriyyətin düşüncəsinə görə 1 nəfər kifayətdir. Və belə deyirlər boş olanda get dincəl... Nə vaxt kran lazım oldu... gəl işlə...

Hətta məcburi (könüllü) özümüzə ərizə yazdırırlar iş növbəmiz ərzində (15 gün ərzində) elə olur bir neçə blokda gedib işləməli oluruq. Bu da ciddi qanun pozuntusudur... Getməsək, işdən qovmaqla, hədələyirlər... İşçi çatışmır, amma yeni işçi götürmürlər..."

Dia-az.İnfo qeyd edir ki, neft çalışanının qaldırdığı bu problemə Neftçilərin Hüquqlarının Müdafiəsi Təşkilatının (NHMT) sədri Mirvari Qəhrəmanlı da reaksiya verib. Öz mövqeyini "Niyə rəis?" xitabı ilə əlaəqdar rəhbər şəxslərə ünvanlayan tanınmış hüquq müdafiəçisi bildirib: "Araşdırılmasına ciddi ehtiyac duyulur. Deyilənlər düzdürsə, bu halsa cənab rəis ARƏM Maddə 9 (Əmək müqaviləsi üzrə işçinin əsas hüquqları) Maddə 89. (Tam iş vaxtı və onun müddəti), Maddə 90. (Həftəlik tam iş vaxtının müəyyən edilməsi),Maddə 207. (Əməyin mühafizəsi normalarını və qaydalarını müəyyən edən qanunvericilik),Maddə 209. (Əməyin mühafizəsinin əsas prinsipləri), Maddə 215. (Əməyin mühafizəsi sahəsində mülkiyyətçinin və işəgötürənlərin vəzifələri) ,Maddə 222. (Sağlam və təhlükəsiz əməyin mühafizəsi şəraitinin təmin edilməsi) pozuldu üçün ARƏM maddə 310 (Bu Məcəllə ilə müəyyən olunmuş hüquqları pozmağa görə məsuliyyət) əsasən cəzalanmalıdır..."