Vətəndaş Mustafayeva Məlahət iddia edir ki, Nərimanov rayonu Mirəli Qaşqay 94 mənzil 25 də olan 300 kvadrat metrə yaxın, dəyəri təxminən 1 milyon manat olan mənzili 221 min manat pula görə bir neçə nəfər əlbir olaraq ələ keçiriblər.

Bunlardan biri iqtisadiyyat ünversitetinin müəllimi Vüsal Quliyev, digəri Eldar Əliyev adlı şəxsdir. Onlara himayədarlıq edən isə Nərimanov rayon İcra probosiya şöbəsinin rəisi Zaur Abdullayevdir.

8 il bundan öncə müəyyən səbəblərə görə həyat yoldaşı Yaşar Mustafayev İqtisad Üniversitetinin dekan müavini Vüsal Quliyevdən notariat vasitəsi ilə 221 min manata imza ataraq 160 min manat faizə pul götürüb.

"Həmin puldan 68 min manatını qaytarıb. Vəziyyətimiz çətinləşdi, pulun yerdə qalan hissəsini verə bilmədik. Ondan gözləməsini xaiş etdik amma gözləmədi. Getdi Nərimanov rayon icra şöbəsinin rəisi Zaur Abdullayev və notariusla əlbir olaraq pul müqabilində girov kimi qoyduğumuz evi hərraca çıxardılar.

Şəhərin mərkəzində olan 1 milyonluq evimə əvvəl 300 min manat qiymət qoydular, sonra 250 min manat oldu. Öz aralarında qapalı hərrac keçirib evi özləri ələ keçirdilər. Məsələ ilə bağlı məhkəməyə müraciət etmişik, indi məhkəmənin qərarı olmadan gəlib məni evimdən məcburi çıxarırlar.

Həyat yoldaşım hazırda ölkədə deyil, müəyən vasitələrlə onun ölkə çıxışına da stop qoydurub barəsində axtarış qərarı verdiriblər. İndi o ölkəyə qayıdarsa həbs edəcəklər. Evimin bütün əşyalarını Nərimanov rayon icra şöbəsinin əməkdaşlarının iştırakı ilə çölə atırlar. Deyirəm, mənim evimi boşaltmaq haqqında məhkəmənin qərarını gətirin göstərin, icra şöbəsinin əməkdaşları deyir qərar yoxdur.

Bu işə qanunsuz olaraq Eldar Əliyev adlı şəxsi də cəlb ediblər. Eldar Əliyev Nərimanov rayon icra və probosiya şöbəsinin rəisi Zaur Abdullayevin ən yaxın dostlarından biridir.

İqtisad Üniversitetinin dekan müavini Vüsal Quliyev ona etibarnamə verib ki, guya onun hüquqlarını qoruyur.

Deyirik evi sataq pulunuzu verək, yerdə qalan pula isə özümə ev alım, yaşlı adamam. Bununla razılaşmırlar. Vüsal Eldarın üstünə atır, Eldar Vüsalın üstünə. Vəziyyətdən çıxa bilməyəndə isə deyirlər İcra şöbəsinin rəisi Zaur Abdullayev belə göstəriş verib. İqtisad Üniversitetinin dekan müavini və müəllimi icra şöbəsinin rəisi ilə əlbir olub, sual edən yoxdur ki, bu universitet müəllimi ayda nə qədər pul qazanır?

Bu qədər pulları haradan əldə edib? Millətin evini yıxıb bu cür faizə pul verərək bir neçə nəfərin evini qanunsuz yollarla ələ keçiriblər. Artıq dözülməz həddəyəm, ölkə vətəndaşlığından imtina etmək istəyirəm. Bu ahıl yaşımda məni zorla qapını qıraraq evimdən çıxardılar, indi qalmışam onun-bunun qapısında. Bu ölkədə qanun yoxdur? Mehriban Əliyeva, bir ana olaraq sizə səslənirəm, siz də anasız, məni dinləyən yoxdur. Məhkəmə qərarı olmadan məni ahıl yaşımda evimdən zorla çölə atdılar. Sizdən xahiş edirəm, mənə köməklik göstərin" - deyə şikayətçi Məlahət Mustafayev bildirir.


Azerbaycanrealligi