Get... dərmanını sat də... - HƏQİQƏTƏN DƏ...
"Deputat Cavanşir Feyziyevin prezidenti olduğu Mahmud Kaşğari adına Beynəlxalq Fond Dilçilik İnstitutunun direktoru Nadir Məmmədliyə “Beynəlxalq Mahmud Kaşğari mükafatı” verib". Dia-az.info xəbər verir ki, bunu öz açıqlamasında AMEA Nəsimi adına Dilçilik İnstitutunun Nəzəri dilçilik şöbəsinin müdiri, filologiya elmləri doktoru İdris Abbasov qeyd edib.
Dilçi-alimimiz daha sonra əlavə edib: "Cənab Feyziyev buyurub: "Xoşbəxtlikdən “Divanü lüğat- it-türk” əsərinin tərcüməsi Dilçilik İnstitutunun arxivində qorunub saxlanılmışdır. 2021-ci ildə Dilçilik İnstitutunun direktoru professor Nadir Məmmədli akademik İsa Həbibbəylinin təşəbbüsü ilə kitabın axtarışına çıxır və bu axtarış uğurla nəticələnir...".
Bəh-bəh! Əməlli-başlı təhqiqatçı imişlər ki! Bunlar bir az gerçək əməyə munis olsaydılar, yəqin ki, dünyanı dağıdardılar...
Feyziyev bir tərəfdən Divanın institutun arxivində qorunub saxlanıldığıni deyir, digər tərəfdən, divanın tapılmasını hadisə lövhəsinə mıxçalayır. Hanı məntiqi mütabiqılik?! Əlimizin altında saxlanılan əsəri sanki Sakit Okeanın dibindən tapıb gətiriblər... Maşallah olsun fərasətinizə!
PS. Bayırdan uşaqların oxumaq səsi gəlir: Sən də qaqaş, mən də qaqaş, Hərəkət edək yavaş-yavaş!
PPS. "Рыбак рыбака видит издалека" frazelogiyasının tərcüməsini bilən olsa, yazar..."
