Azərbaycan səhiyyəsində Musiqili Komediya Teatrında səhnəyə qoyulan tamaşalar nümayiş etdirilir...

Poliqon xəbər verir ki, bu günlərdə Mirqasımov adına Respublika Klinik Xəstəxanası adamda gülüş doğuran şüarla layihə həyata keçirib. Sizcə, layihənin adı nə olsa yaxşıdır? - "Həmişə ayaqüstə"...

Heç olmasa, layihəyə ad qoyanda, ən azı bunu hansı xəstəxananın həkimlərinin icra edəcəyini fikirləşmək lazım idi. Çünki baş direktor Elviz Qasımovun rəhbərliyi altında "Respublikanski" də ayaqüstə olmaq müşkül məsələdir, həmişə ayaqüstə olmaq isə mümkün deyil. Elə çox uzağa getməyək, ötən həftələrdə xəstəxanada Qarabağ qazisinin həyat yoldaşı Sara İsayevaya olan səhlənkarlıq və vurulan iynə ucbatından həyatını itirib. Bunun ardınca eyni həftədə "Həmişə ayaqüstə" layihəsi çərçivəsində "Respublikanski"nin həkimlərinin xəstələri müayinə etməsi istehza doğurmaya bilməz.

Elviz Qasımov və həkim Günel Qəhrəmanova Sara İsayevanın ölümü ilə bağlı açıqlama vermək əvəzinə, "Həmişə ayaqüstə" adı ilə piar aparır, guya "Respublikanski"də tibb xidməti yüksək səviyyədədir. Rəhmətlik Lütfəli Abdullayev sağ olsaydı, "Əhməd haradadır" filmində dediyi sözü dilə gətirərdi: "kolxozçu da deputat kimi danışır"... İndi xəstə öldürən, rüşvət alan həkimlər də "Həmişə ayaqüstə" layihəsində özlərini elə qələmə verirlər ki, onlardan pak, dürüst, təmiz işləyən, Hippokrat andına sadiq olan həkimlər yoxdur.

Ən biabırçı tərəfi budur ki, bu günlərdə Elviz Qasımov bir qrup həkimi təltif edib və bunu da sosial şəbəkədə, xəstəxananın rəsmi feysuk səhifəsində paylaşıblar. Görəsən, Elviz Qasımov onları hansı qəhrəmanlığına görə, mükafatlandırıb? Bəlkə Sara İsayeva və bu timsaldan olan yüzlərlə xəstələrin öldüyü üçün? Bəlkə xəstələrdən əlavə ödəniş almadan müayinə olmadığı üçün? Bəlkə dializ şöbəsində tez-tez baş verən yanğınları məharətlə gizlətdiyi üçün?

Deyilənə görə, 500 nəfərin ixtisar deyil, müxtəlif təzyiqlərlə işdən qovulmasına görə Elviz Qasımov bayram edibmiş? Aidiyatı rəhbərlik niyə Elviz Qasımovdan soruşmur ki 500 dən çox ailənin günahı nədir? Direktorluq fəaliyyətinə başladığı Tramatologiya inistutunda da belə idi RKX da belədir...

Son günlər Ak. Mirqasımov adına Respublika Klinik Xəstəxanası barədə cari mətbuatda müxtəlif informasiyalar yayılmaqdadır və bu xəbərlərin ümumi məcmusu ondan ibarətdir ki, xəstəxanada neqativ hallar kütləvi şəkildə baş verir. Lakin Elviz Qasımov, onun heyəti və TƏBİB və onun heyyəti, ittihamlara, baş verən ölüm faktına və digər informasiyalara münasibət bildirmir. Görünür ki, Elviz Qasımovun "Həsən ağa" adında bir qohumu var...

Hamımızın sevimli filmi olan "Papaq" filmini izləyənlər bilirlər ki, Həsən ağanın qohumu olmaq bu ölkədə nə deməkdir. Sanki Elviz Qasımov da yuxarı dairələrdə "Həsən ağa" ilə qohumdur, onu himayə edir, deyə bu qədər ittihamlara reaksiya vermir.

Halbuki ölkənin birinci şəxsi cənab prezident İlham Əliyev vətəndaşa xidmət etməyi tapşırıb, cibinə girməyi, xəstə öldürməyi, təmir adı ilə pul silməyi tapşırmayıb. Yəni məöhtərəm prezidentin səhiyyə siyasəti ilə "Respublikanski"nin idarə olunması uyğun gəlmir. Bu uyğunsuzluğu yaradan isə Elviz Qasımovdur. Bununla da baş direktor həm xalqa, həm dövlətə, həm də dövlətin imicinə və büdcəsinə zərər vurur.

Bu baxımdan son hadisələrin araşdırılması zəruridir: işçilərin ixtisarı, ölüm faktları, dializ şöbəsindəki yanğınlar, tenderlərin ləğvi səbəbi, təmirə ayrılan vəsaitlərin xərclənməsinə nəzarət və s. Nədən ki, bu vəziyyət davam etməsi faciəy şərait yarada bilər. Baş direktorun arxasında "Həsən ağa" ola bilər, lakin bu ölkədə cənab prezidentdən yüksək vəzifəsi olan yoxdur. Odur ki, Elviz Qasımovun fəaliyyətinə əl gəzdirilməzsə, ciddi problemlər meydana gələ bilər...

Cəmiyyət çoxlu sayda problemlərin öz həllini tapmamasını sorğu-sual edir. Birincisi, xəstəxanada əməliyyat olunmuş Sara İsayeva dünyasını dəyişib və həyat yoldaşı Orucəli Ağayev həkim Günel Qəhrəmanovanın və xəstəxanın məsuliyyət daşıdığını bildirir. Bu hadisə ilə bağlı niyə səs-səmir çıxmır, niyə xəstəxananın rəhbərliyi araşırma aparıb cəmiyyətə açıqlama vermir?

İkincisi, KİV-lərdə gedən xəbərlərə görə, xəstəxanın dializ şöbəsində tez-tez yanğınlar olur. Bu məlumatlar nə dərəcədə doğrudur və belə hallar varsa, problem nədən qaynaqlanır?

Mətbuat yazır ki, xəstəxananın tibb personalından 500 nəfər ixtisar olunub. Buna zərurət yaradan səbəb hansılardır ? Təyin etdiyi bütün inzibati rəhbərlik hardan və hansı məqsədlə gətirib?

Eyni zamanda, mediada ən ciddi ittihamlardan biri aparılan təmir işləri zamanı ayrılan vəsaitlərin mənimsənilməsidir. İddialara görə, bu vəsaitlər şəffaf xərclənmir və prosesə baş direktor Elviz Qasımov nəzarət edir. Mətbuatın yaydığı bu məlumatlar nə dərəcədə realdır?

Xəbərlərdə o da deyilir ki, şöbələrə qoyulan dezinfeksiya aparatlarında bu məhlul olmur. Yaxşı, dezinfeksiya məhlulu niyə çatışmasın ki?!

Hətta oper blokda həkimlərin dezinfeksiya üçün xüsusi fırçası olmalıdır, lakin hər həkimdə olmadığı iddia edilir. Bu da xəstələrə infeksiya düşməsi riski yaradır. Allahın fırçası olmayan yerdə Elviz Qasımov həkimləri təltif edir, "Həmişə ayaqüstə" layihəsi həyata keçirir.

Bundan başqa, xəstəxanada ambulator xəstələrin qeydiyyatı aparılmayıb deyə arxiv yoxdur. Hər dəfə xəstə üçün yeni tarixçə açılır. Səbəb nədir?

O cümlədən allerqologiya şöbəsinin ləğv edilərək pulmonologiya şöbəsinə çevrilməsinə səbəb nədir? Allerqoloqlar ağciyər müayinəsini necə edə bilirlər?

Mətbuatın yaydığı məlumata görə, verilən bonuslar isə 50 faiz kəsilir. Üstəlik, gecikmələrlə ödənilir.

O da bildirilir ki, digər problem gecə növbətçi həkimi ilə bağlıdır. Misal üçün xəstə uroloji problemlə müraciət edir, amma o saat növbətçi lor həkimidir. Bu problemi necə tənzimləmək olar? Yəni suallar çoxdur, qarşı tərəfdən isə cavablar yoxdur...

Poliqon.info