Dələduzluq, yəni etibardan sui-istifadə etmə və ya aldatma yolu ilə özgənin əmlakını ələ keçirmə və ya əmlak hüquqlarını əldə etməkdir. Bəli, son illər ayrı-ayrı şəxslərin müxtəlif adlar adı altında dələduzluq əməllərinə qol qoyması, sanki dəb şəkilini alıb. Bu cür əməl sahibi olan şəxslərə qarşı hüquq-mühafizə orqanı əməkdaşları tərəfindən ardıcıl mübarizə tədbirlərinin həyata keçirilməsinə baxmayaraq, hələ də dələduzluq əməllərinə qol qoyan şəxslərin sayı, digər cinayət əməllərini törədən şəxslərə nisbətdə daha çoxluq təşkil edir. Belə şəxslərdən biri də, Şirvan şəhər sakini Balayeva Ülviyyə Qədimşah qızıdır. Qeyd edək ki, Ülviyyə Balayeva xeyli müddət bundan əvvəl Gədəbəy rayonunda İbrahim adlı şəxslə əlbir olur və o, ayrı-ayrı sakinləri işə düzəltmək adı altında onların etibarından sui-istifadə edərək, həmin şəxslərin 150 min manatdan artıq pullarını ələ keçirib mənimsəyir. Bundan əlavə, adı çəkilən bu xanım Şirvan şəhərində də ayrı-ayrı şəxslərin küllü miqdarda, yəni üstüstə 450 min manat pullarını ələ keçirərək mənimsəyir. Ülviyyə Balayevanın törətdiyi əməllə bağlı zərərçəkən şəxslərin hüquq-mühafizə orqanlarına ünvanladıqları şikayətlər əsasında, hal-hazırda o, Gəncədə İstintaq Təcridxanasında saxlanılır və barəsində Gədəbəy RPŞ-də istintaqı davam etdirilir.

Qeyd edək ki, Ülviyyə Balayeva İbrahim adlı şəxslə əlbir olaraq Gədəbəy rayon sakinlərinin pullarını ələ keçirib mənimsəyir və bir müddətdən sonra İbrahim dünyasını dəyişir. Bu gün isə o, bütün günahları dünyasını dəyişən İbrahimin boynuna qoymaq istətir. Əldə etdiyimiz şifahi məlumatlara görə, Ülviyyə Balayeva dələduzluq əməllərini təkcə Şirvanda və Gədəbəydə deyil, digər rayonlarda da törədir və o, orda-burda danışır ki, “mənim müdafiəçim Baş Prokurorluqda işləyən Pərviz adlı şəxsdir. Gectez o, məni həbsdən azad etdirəcək”. Söz yox ki, belə bir fikir Ülviyyə Balayevaya məxsus olduğundan, bu xanımın dediklərinin nə dərəcədə həqiqət olub-olmaması haqda qəti fikir söyləyə bilmərik. Yəqin ki, əsl həqiqətlər Gədəbəy RPŞ-də həyata keçirilən istintaqın nəticəsində ortaya çıxarılacaq və hər kəs törətdiyi əməlinə görə qanunamüvafiq qaydada cəzasını da alacaq. Ülviyyə Balayevaya yarım milyon manatdan çox pul vəsaitini dələduzluq yolu ilə ələ keçirib mənimsədiyinə görə, qanunvericiliyin tələbinə uyğun olaraq 10 ildən 14 ilə qədər azadlıqdan məhrum etmə ilə cəzası ilə cəzalandırıla bilər.



Yazıda adı keçən hər kəsin mövqeyini dinləyə bilərik.