Kamal Mürsəlovun direktoru olduğu kollec 33 min AZN-ə mühafizə xidməti alır
Sərlövhəli məqalədə deyilir: "Saatlı Tibb Kolleci mühafizə xidmətinin satınalınması ilə bağlı elan etdiyi tenderin qalibi bəlli olub. 32gun.az xəbər verir ki, müsabiqənin qalibi "TİİM" MMC olub.Tərəflər arasında 32.900 AZN-lik müqavilə bağlanacağı gözlənilir. Tenderə əsasən Saatlı Tibb Kolleci 8 ay ərzində Tədris binasının mühafizə olunmalıdır.
Qeyd edək ki, TİİM Məhdud Məsuliyyətli Cəmiyyəti 03.06.2011-ci il tarixdə İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsində dövlət qeydiyyatına alınıb. MMC-nin hüquqi ünvanı Bakı şəhəri, Nərimanov rayonu, Zeynal Xəlil ev 14, nizamnamə kapitalı 10 manatdır. MMC-nin qanuni təmsilçisi Manafov İlham Sabir oğludur.
Xatırladaq ki, Saatlı Tibb kollecinin direktoru Həkim Mürsəlov Kamal Əlimuxtar oğludur. "

Bu xəbərdən sonra daha ilginc və ittiham dolu bir paylaşıma rast gəldik. Şagirdlərdən birinin etdiyi paylaşım məsh Azerbaycan tələbələri instagram səhifəsində paylaşım edib. Həmin paylaşımda şagirdin Kollec daxilində toplanılan rüşvətin miqdarını və rüşvət tələbinə boyun əyməyənlərin taleyindən bəhs edib. Həmin paylaşımı olduğu kimi sizə təqdim edirik.

"Tələbə yazır: "Direktor 50 AZN rüşvət alır"
"Salam. Saatlı tibb kollecinin fəaliyyəti ilə bağlı şikayətim var. Mümkünsə, bütün sosial şəbəkələrdə paylaşılmasını rica edirəm. İllərdir heç kəs səsini çıxarmır. Belə olmaz. Kollecin direktoru Kamal Mürsəlov tərəfindən tələbədən həm kollekvium, həm də imtahanların hər birində 50 manat məcburi olaraq ödənilir.

İmtahanı keçdi-keçmədi buna baxılmır, əksinə ödənilməsə kəsilir. "Hamı şikayətçidir, sadəcə çəkinirlər deməyə ki, imtahanda kollekviumlarda ancaq pul keçir."

Düzdür, məcbur alırlar hər birimizdən. Verməsək kəsirlər, oxumağımıza baxmayaraq. İmtahanı pulsuz keçmək bir şey yoxdursa, bu ödənişin oxşarı necə baş verə bilər? Sizcə bu düzgündür? Zəhmət olmasa baxın bu işə."

Saatlı Tibb kollecinin direktoru Həkim Mürsəlov Kamal Əlimuxtar oğlu kimdir?

17 iyun 1953-cü ildə Saatlı şəhərində anadan olub. 1971-ci ildə Azərbaycan Dövlət Tibb Universitetinin müalicə işi fakultəsinə daxil olub, 1978-ci ildə isə ADTU bitirib. 1978-ci ildə Saatlı rayon Nərimankənd kənd xəstəxanasında baş həkim vəzifəsində işləyib. 1986-1990-cı illərdə Saatlı rayon Mərkəzi Xəstəxananının baş həkimi işləyib. 1990-1994-cü ildə 2№-li Bakı Baza Tibb Kollecinin Saatlı Filialının direktoru vəzifəsində işləyib. 1995-ci ildən MRX-nın Rardiologiya şöbəsinin müdiri, 2014-cü ildən hal-hazıra kimi Saatlı Tibb Kollecinin direktoru vəzifəsində çalışır.

32gun.az