Nərimanov rayonu 57 nömrəli məktəbin direktoru Aytən Sadıqova məktəbin təmirini tamamlamayan xanım müdir Elm və Təhsil Nazirliyinin “heyfini” şagirdlərdən və müəllimlərdən topladığı pullarla çıxır. 

Belə ki, 57 nömrəli məktəbin adını açıqlamaq istəməyən müəllimi məktəbdə baş verənləri Paytaxt.org-a açıqlayaraq kömək istədiyib. 

"İllərlə məktəbdə əziyyət çəkərək yetişdirdikləri şagirdlər pul qarşılığında direktor Aytən Sadıqova tərəfindən rəfiqə olduğu direktorların məktəbinə yönəldilir, nəticədə məktəbdə şagirdlərin azalıb digər məktəblərə paylanması direktorun yeni tədris ilində daha böyük məktəbə rotasiya olunmasına kömək edəcəkdir. Buna səbəb isə 57 nömrəli məktəbin qəzalı vəziyyətdə olduğu üçün bir müddət əvvəl təmirə bağlanmasıdır, şagirdlərin qonşu məktəblərə, 178 və Ekologiya Liseyinə yerləşdirilməsi direktorun işini asanlaşdırmış, məktəbdə təlim-tədris prosesininə nəzarət zəifləmiş, 9-11 sinif şagirdlərinə hazırlığa getmələri üçün pul qarşılığında icazələr verilmiş, həmçinin qonşu məktəblərdən 9-10 sinif şagirdləri 57 nömrəli məktəbə yerdəyişmə etmişdir. Təkcə bu tədris ilində qonşu məktəblərdən 18 nəfər şagird 9-10 sinfə yerdəyişmə etmişdir. Maraqlıdır, belə bir vəziyyətdə olan məktəbə qonşuluqdakı daha prestijli məktəblərdən şagirdlər niyə yerdəyişmə etsinlər ki. Səbəbi məlumdur, “münbit” mühit həmin şagirdlərin hazırlığa getmələrinə kömək edəcək. Aytən Sadıqova məktəbdəki münbit mühitdən istifadə edərək bütün günü tədbirlərdə iştirak edir, şəkillər çəkdirir, artıq 57 nömrəli məktəb maraq obyektində deyildir. Məktəbin təmirdə olduğu zamanda heç bir dövlət qurumundan yoxlama gəlməməsi də Aytən xanımda bir xeyli rahatlıq yaratmışdır. Bundan əlavə, kollektivdə ətrafına topladığı yaxın çevrəsinə böyük məktəbə gedəndə onları vəzifəyə keçirəcəyini vəd edərək müəllimlərdən müxtəlif adlarla pul toplayırlar, kollektivdə buna inam isə Aytən Sadıqovanın 57 nömrəli məktəbə direktor təyin olunarkən əvvəl işlədiyi məktəbdən özü ilə gətirdiyi direktor müavinidir, müəllimlər direktorun ətrafına topladığı komandanın tapşırıqlarını “ödəməkdən” yorulublar, dərs bölgüsü, cədvəl, müəllimlər günü, Aytən xanımın doğum günü, 8 mart və s. kimi səbəblərlə toplanan pullarla Aytən xanım rəfiqə direktorlarla bütün günü restoranlarda boy göstərir, şəkillər çəkdirir..."

Onu da bildirək ki, Elm və Təhsil Nazirliyinin, Bakı Şəhəri üzrə Təhsil İdarəsinin mütamadi olaraq direktorlar və təhsil işçiləri üçün təşkil etdikləri iclaslardan heç bir nəticə çıxarmayan, sadəcə şəkil çəkdirmək üçün gedən direktor xanımın təhsilə necə gəldiyi, kimlərinsə bu direktora himayədarlıq etdiyi, direktor müavini vəzifəsinə minimum 3 il müəllim işləmədən təyin olunduğu yöndə də müxtəlif iddialar mövcuddur. 

Məktəblərdə şəffaf və sağlam mühitin yaradılması Elm və Təhsil nazirliyinin əsas prioritet istiqamətlərindəndir, təəssüf ki, bəzi məktəb rəhbərləri bu istiqamətdə nazirliyin işinə kölgə salmağa davam edir.

Paytaxt.org