Deməli, vəzifəyə, özü də yüksək vəzifəyə təyin olunmaq üçün yüksək fərdi keyfiyyətlərin, yüksək təhsilin, üstəlik peşəkarlığın, hətta yüksək təcrübən olmalıdır ki, sənə hansısa yüksək vəzifə etimad edilsin. Hətta əlavə şərtlər də lazımdır. Çox təəssüf ki, son 30-35 ildə elə təsadüfi adamlar yüksək vəzifələrə təyin olundu ki...bütün meyarlar pozuldu. Bir də gördün ki, institutda riyaziyyat müəllimi işləyən Rəhim Qazıyev sabah ölkənin müdafiə naziri oldu və s. Sonra tarix müəllimi olan Hüseynqulu Bağırov əvvəl Ticarət Naziri, sonra isə Ekologiya Naziri oldu. Bu tendensiya bu gün də davam edir. Biz dəfələrlə yazmışıq ki, Muxtar Babayev filosofdur, bu adam necə Ekologiya Naziri ola bilər..?
Lap son yazılarımızda tarix müəllimi olan Vüqar Süleymanovun ANAMA-ya, yəni Mina Təmizləmə Agentliyinin İdarə Heyətinə sədr təyin olunmasını yazmışdıq. Axı, tarix müəllimi nə bilir ki, hərbi sursatla necə davranmaq olar..?
Bütün bunları yazmaqda məqsədimiz odur ki, bu cür hallar başqalarında da LAYİQ OLMADIQLARI kürsülərdə oturmağa həvəs yaradır. Bu Dövlətçilik üçün, Dövlət üçün qorxulu haldır.
Təsəvvür edirsiniz, bəzi məmurlar məclislərdə yaxın zamanda icra başçısı, hətta nazir olacaqları barədə dostlara, tanışlara ANONS verirlər. Bunlara başa salan yoxdur ki, həmin vəzifələrə təyinat birbaşa Prezident İlham Əliyevin müstəsna səlahiyyətində olan məsələdir. Sən haradan bilirsən ki, səni o vəzifəyə təyin edəcəklər..? Deməli, sən cənab Prezidentin müstəsna səlahiyyətlərinə müdaxilə edirsən...
Belə məmurların bir neçəsi barədə yazmağı düşünürük. Məlumdur ki, qısa müddət, daha dəqiq desək 10 gün ( 4-10 aprel 2023 ) Kənd Təsərrüfatı Naziri vəzifəsi boş qaldı. Bu 10 gündə kimlər özünü bu postda görmədi, kimlər gecələr yuxuda həmin kresloda oturdu və nələr vəd verdilər... Belələrindən biri də Azərbaycan Respublikasının Qida Təhlükəsizliyi Agentliyinin ( AQTA ) sədri Qoşqar Təhməzli idi.
Qısa məlumat üçün qeyd edək ki, Qoşqar Təhməzli 1994-cü ildə Azərbaycan Dövlət Tibb İnstitutunun Sanitariya və gigiyena fakültəsini bitirib. Gigiyena və Epidemiologiya Mərkəzində həkim, 1997–2004-cü illərdə qidalanma şöbəsinin müdiri, 2004–2005-ci illərdə "Nəbz" Tibb mərkəzinin baş direktoru, 2008–2016-cı illərdə isə "Medeks" MMC-də baş direktor vəzifələrində çalışıb. Bu adamın əsas işi xaricdən tibbi avadanlıqlar gətirib satmaq olub. Özü də yalandan deyir ki, guya 1992-ci ildə Azərbaycan Respublikasının azadlığı və ərazi bütövlüyünün müdafiəsi uğrunda Qarabağda gedən döyüşlərdə fəal iştirak etmiş, "Müharibə veteranı" statusuna layiq görülüb. Bu adam AQTA sədri olandan sonra qida sahəsində heç bir ciddi irəliləyiş olmadı. Bu adamın qardaşı Ataş Təhməzovun adı mediada dövlət çevriliçində hallanıb, digər qardaşı MİDA-nın rəhbəri Fərhad Təhməzovun adı 5 dəqiqədə 5 milyonluq sosial mənzillərin satılmasında hallanıb.
İndi özünüz təsəvvür edin ki, belə bir KEÇMİŞƏ malik olan Qoşqar Təhməzli hər yerdə deyirdi ki, Kənd Təsərrüfatı Nazirliyi DƏRYA-dır, OKEAN-dır, mən yaxın günlərdə Kənd Təsərrüfatı Naziri olacam və bütün qohum-əqrəbamı yağ-bal içində saxlayacam və s... Bu adama deyən lazımdır ki, sən nazir olsaydın, cəmiyyət deyil, Vejnəli İlahi kişinin qohumları, əmin Spartak, Genanlıdən olan bibin Teyyubə yağ-bal içində yaşayardı... Və son nəticədə Qoşqar Təhməzli Kənd Təsərrüfatı Naziri ola bilmədi. İndi neçə aydır ki, Qoşqarın gəmisi dəryada batıb, elə hey düşünür ki, görəsən, bu gizli planı kimlər pozdu..? Kimlər Qoşqar Təhməzlinin üzərindən qara xətt çəkdi..?
Onu da qeyd edək ki, Kənd Təsərüfatı Naziri olmaq uğrunda təkcə Qoşqar Təhməzli deyil, onun dostu, Millət Vəkili Mahir Abbaszadə də bir-birindən xəlvət, gizli nazir olmaq uğrunda planlar qurmuşdu.
Mahir Abbaszadə haqqında qısaca onu qeyd edək ki, o, 1975-ci ildə Laçın rayonunun Güləbird kəndində anadan olub. 1997-ci ildə Bakı Dövlət Universitetini iqtisadi nəzəriyyə müəllimi ixtisası üzrə bitirmişdir. Sonra Güzdəkdə daş karxanasında işləyib və sonra müxtəlif banklarda çalışıb, 2015, 2020-ci illərdə Ramiz Mehdiyevin xeyir-duası ilə Milli Məclisin deputatı olub. Guya Allah qoymasa ehtiyatda olan zabitdir. Əslində bu adam fərari olub, hərbi qulluqda olmayıb və bütün bunları gizlədir. Hansı ki, bu adam qanunla 3 övladı olmadığı üçün bu gün də hərbi qulluğa çağırıla bilər. Hansı ki başqa deputatlar bu örnəyi ortaya qoyublar.
Beləliklə Mahir Abbaszadə 2018-ci ildə Məcburi Köçkünlərin Sosial İnkişaf Fondunun direktoru vəzifəsinə təyin olunub. Və neçə illərdir ki, məcburi köçkünlərin hesabına milyonlara sahib olub, dövlətin ayırdığı vəsaiti mənimsəyib.
Deməli, Qoşqar Təhməzli kimi Mahir Abbaszadə də hər yerdə deyirdi ki, yaxın günlərdə Prezident məni Kənd Təsərrüfatı naziri təyin edəcək. Bu adama başa salan yoxdur ki, sənin Prezidentin adından danışmağın, onun müstəsna səlahiyyətlərinə müdaxilə etməyin, sənə baha başa gələ bilər… Dövlət idarəçiliyi sənin üçün Parisdə Eyfel qülləsində arvad-uşaqla şəkil çəkdirmək, poz vermək deyil. Ağlını başına yığ, layiq olduğun yerdə otur…
Mahir Abbaszadəyə deyən lazımdır ki, yığmısan keçmiş OMON-çuları (Vüqar) başına, vaxtilə Ulu Öndərə qarşı çıxanları toplamısan ətrafına, məqsədin nədir..? Bəlkə… Deyəsən Məcburi Kömkünlərin Fondundan qazandığın zəhmətsiz gəlirlər səni havalandırıb haa…? Mahir Abbaszadə, bir müddət əvvəl Xəzər Sığorta yaratmaq istəyiridin…Nə oldu sonu… Sənə belə deməmşdik, amma indi sənə sonuncu dəfə deyirk ki, Prezidentin adından danışma…. Gedib Eyfeldə şəkil çəkdirib paylaşırsan, seçicilərin isə 1 çaynik çay almağa pul tapmırlar…. Prezidentimiz Şuşadakı sonuncu çıxışında media ilə fikirlərini söylədi və gələcək yolumuzu müəyyən etdi.
İndi papağını qoy qabağına, Mahir Abbaszadə, düşün… Eyfel qülləsindəki ailəvi şəkillərini paylaşıb seçicilərini qəzəbləndirmə… //gundelik-baku.com//