Cəfər Cabbarlı stansiyasında vəziyyət necədir?
“Cəfər Cabbarlı” stansiyasında işlər başa çatmaq üzrədir”.
Bu sözləri jurnalistlərə açıqlamasında “Bakı Metropoliteni” Qapalı Səhmdar Cəmiyyəti sədrinin müavini Hidayət Məmmədov deyib.
O bildirib ki, stansiyada artıq örtük elementləri quraşdırılır: “Cəfər Cabbarlı stansiyasının növbəti dövrlərdə xətlərin ayrılması ilə bağlı ən vacib stansiyalardan biri olmasını nəzərə alaraq köklü şəkildə bütün təmir işləri həyata keçirilib. Qısa zamanda işlər yekunlaşdırılaraq stansiya sərnişinlərin istismarına veriləcək”.
Qeyd edək ki, “Cəfər Cabbarlı” stansiyasının təmirinə ötən ilin oktyabrından başlanılıb. Bu çərçivədə ehtiyac olan hissələrin yenilənməsi və bərpası nəzərdə tutulmuşdu.
