Redaksiyamıza daxil olan məlumatlara əsasən Zaqatala Rayon Mərkəzi Xəstəxanasının yeni təyin olunmuş direktoru Tamara Nurəliyeva kadrlar şöbəsinin müdiri Gülnarə adlı qadınla əlbir olub xəstəxananı rüşvət ocağına döndəriblər. Mənbə bildirir ki, Gülnarə hətta elə azğınlaşıb ki, qohumlarından belə 5-6 min manat civarında rüşvət alaraq güya onları xəstəxanaya işlə təmin edəcəkdir. Zaqatalanın Car və Kebeloba kənd sakinlərindən üç nəfəri də bu yolla aldadaraq külli miqdarda pullarını mənimsəmişlər. Hətta qızını belə Balakən Rayon Mərkəzi Xəstəxanasına işə düzəltmişdir ki, o da orada rüşvət burulğanı yaratsın. Məlumatda bildirilir ki, xəstəxananın Emin adlı “şillə vuran”ı da var. Məlumatda iddia edilir ki, Tamara Nurəliyeva rüşvət aldığı otaqlarda video kameranı qoydurmayıb, amma bəzi insanları şantaj etmək üçün digər otaqlara video kameraları quraşdırıb. T.Nurəliyeva bəzi çirkli işlərini məhz Emin adlı şəxsin əliylə həyata keçirir. Emin haqqında bəzi xoşagəlməz, etikadan uzaq faktlar da mövcuddur. Bir faktı da nəzərinizə çatdırmaq istəyirik ki, Tamara Nurəliyevanın həyat yoldaşı da bu rüşvət bazarında bir başa əsas rollardan biridir. Rüşvəti alıb, kimi işə düzəltmək, kimi işdə saxlamaq lazımdır, onun rəyi ilə həyata keçirilir.
P.S. Bu xəstəxana haqqında çox faktlar və xoşagəlməz hallar barədə daha ətraflı sizi tanış edəcəyik. Kimlər burada nə hoqqalardan çıxırlar, video sujetlərlə sizə təqdim edəcəyik.
Qarşı tərəfi də dinləməyə hazırıq.
Qanunedalet.com.az