[center][/center]
Birləşmiş Ərəb Əmirliklərində, Küveytdə və Səudiyyə Ərəbistatınnda öz şirkətlərini quraraq tranzit marşurutlar yaratmağı bacardı
Onun haqqında Azərbaycan mediasında çox az məlumat var. Ancaq maraqlıdır ki, Azərbaycan neftinin beynəlxalq aləmdə satışını həyata keçirən neft maqnatı kimi hamı onu tanıyır. Bu gün haqqında danışacağımız bu şəxs çoxsaylı şirkətlərin sahibi, sabiq SOCAR prezidenti Rövnəq Abdullayevin görünməz əli və gizli kassası rolunu oynayan Anar Əlizadədir. Bir zamanlar SOCAR-da çalışan bir gəncin birdən-birə neft maqnatına çevrilməsi necə baş verib? Olduqca maraqlı məqamlar var. 2010-cu ildə Azərbaycan neft ölkəsi kimi Avropanın bir neçə ölkəsinə neft və qaz satmağa başladı. Bu işdə o dövrdə SOCAR prezidenti olan Rövnəq Abdullayevə sadiq kadr lazım idi. Bu kadrı çox axtarmaq lazım olmadı. Sabiq SOCAR prezidenti yetişdirdiyi kadrı Anar Əlizadəyə yeni missiya tapşırdı. Bu missiya neftin müxtəlif yolarla Avropaya çatdırlması idi. Bu işi qısa zamanda Anar Əlizadə ugurla icra edə bildi. Bəs Abdullayevin görünməz adamı rolunu oynayan Anar Əlizadə kim idi?
Anar Əlizadə SOCAR-ın prezidenti Rövnəq Abdullayevin dayısı Nüsrət Əliyevin oğludur. Nüsrət Əliyev isə uzun müddət SOCAR-ın Neft Emalı zavodunda Qaz sektorunun müdiri olub. Anarın qardaşı Bədəl isə SOCAR İnformasiya Texnologiyaları Departamentində satınalmalar üzrə baş menecer vəzifəsində çalışıb.
Anar Əlizadə yaxın qohumu Rövnəq Abdulayevdən aldığı təlimat əsasında Azərbaycan neftinin İtaliya bazarına çıxarılmasına nail olur. Bu marşurutu isə sözsüz ki, gənc kadr olan Anar Əlizadə çızırdı. Neft birbaşa olaraq İtaliya deyil, Ruminiyadan ötürülürdü. Bir sözlə bu neft qeyri-leqal yollarla İtaliya bazarına çıxarılırdı. Bir neçə il ərzində məhz bu yollla külli miqdarda vəsait əldə edən Anar Əlizadə daha sonra Birləşmiş Ərəb Əmirliklərində, Küveytdə və Səudiyyə Ərəbistatınnda öz şirkətlərini quraraq tranzit marşurutlar yaratmağı bacardı. Məhz bu yolla külli miqdarda Azərbaycan büdcəsinə zərbə vuruldu.(7gün.org)