[center][/center]

AzTimes.az olaraq bir ilə yaxındır ki, Sumqayıt səhiyyə sistemində baş verən prosesləri və xüsusilə Səkinə Sadıxova ilə bağlı iddiaları araşdırırıq. Maraqlıdır ki, 500 minə yaxın əhalisi olan ölkənin üçüncü böyük şəhərinin səhiyyəsinə rəhbərlik etmiş şəxs haqqında ölkə mediasında, hətta açıq mənbələrdə – o cümlədən Vikipediyada belə, geniş məlumat tapmaq mümkün deyil.Sumqayıt səhiyyə sisteminin birləşdirilməsiBir neçə il əvvəl Səkinə Sadıxova Sumqayıt şəhər Səhiyyə Şöbəsinə rəhbərlik edib. Daha sonra səhiyyə sahəsində aparılan struktur islahatları çərçivəsində TƏBİB – yəni Tibbi Ərazi Bölmələrini İdarəetmə Birliyi yaradıldı və ölkə üzrə xəstəxana, klinika və təcili yardım stansiyaları vahid mərkəzlər altında birləşdirildi.Bu çərçivədə 500 min əhalisi olan Sumqayıt şəhərində fəaliyyət göstərən bütün dövlət tibb müəssisələri birləşdirilərək Sumqayıt Tibbi Mərkəzi (Publik Hüquqi Şəxs) yaradıldı. Mərkəz Sumqayıt şəhər Səhiyyə Şöbəsinin bazasında formalaşdırıldı və tərkibinə 7 Ailə Sağlamlıq Mərkəzi, 4 şəhər xəstəxanası olmaqla ümumilikdə 18 tibb müəssisəsi daxil edildi. Həmçinin Təcili Tibbi Yardım strukturu da bu sistemə inteqrasiya olundu.Məhz bu geniş və strateji əhəmiyyətli qurumun direktoru vəzifəsinə Səkinə Sadıxova təyin edildi. Bu isə o deməkdir ki, şəhərin bütün səhiyyə infrastrukturu, büdcə və insan resursları bir nəfərin inzibati nəzarəti altında cəmləşdi.

[b]Hesablama Palatasının materialları və cinayət işi
[/b]
“Sumqayıt Tibbi Mərkəzi” PHŞ tərəfindən dövlət vəsaitlərinin və digər dövlət əmlakının idarə olunmasında qanun pozuntularına yol verilməsi ilə bağlı Hesablama Palatasından daxil olmuş material əsasında Baş prokuror yanında Korrupsiyaya qarşı Mübarizə Baş İdarəsində araşdırma aparılıb.Araşdırma nəticəsində vəzifəli şəxslər tərəfindən Sumqayıt şəhəri ərazisində fəaliyyət göstərən dövlət tibb müəssisələrində cari təmir işləri üçün dövlət büdcəsindən ayrılmış külli miqdarda vəsaitin təyinatı üzrə xərclənməməsi və mənimsənilməsi ilə bağlı əsaslı şübhələr müəyyən edilib.Faktla bağlı Cinayət Məcəlləsinin aşağıdakı maddələri ilə cinayət işi başlanıb:

[b]179.3.2 – külli miqdarda mənimsəmə

308.1 – vəzifə səlahiyyətlərindən sui-istifadə

313 – vəzifə saxtakarlığı[/b]

İbtidai istintaqın aparıldığı bildirilsə də, ictimaiyyətə açıq şəkildə təqdim olunan yekun nəticələr və konkret məsuliyyət tədbirləri barədə geniş məlumat verilməyib.

[b]Vüqar Qurbanovun qərarı: müdafiə, yoxsa mükafat?
[/b]
İddialara baxmayaraq, Vüqar Qurbanov tərəfindən Səkinə Sadıxovanın əvvəlcə müşavir təyin edilməsi, daha sonra isə Abşeron Mərkəzi Xəstəxanasına baş həkim gətirilməsi cəmiyyətdə suallar doğurub.Bir çox müşahidəçilərin fikrincə, bu təyinat faktiki olaraq onun qoruma altına alınması kimi qiymətləndirilib. Nəticədə “yağışdan çıxıb yağmura düşmək” ifadəsi Abşeron Mərkəzi Xəstəxanası ilə bağlı ictimai rəydə tez-tez səsləndirilir.

[b]Qohum təyinatı və yeni iddialar
[/b]
Səkinə Sadıxovanın vəzifəyə gəldikdən dərhal sonra bacısı – Gürcüstanda saxta diplom aldığı iddia edilən və tibb bacısı kimi fəaliyyət göstərdiyi bildirilən Sədaqət Əfəndini Masazır Ailə Sağlamlıq Mərkəzinə rəhbər təyin etməsi ilə bağlı iddialar da mediada yayılıb.
[center][/center]
Bu barədə göndərilən media sorğularının cavabsız qalması isə sualları daha da artırıb.Bundan əlavə, bəzi həkimlər anonim qalmaq şərti ilə otaqların bölünərək 5 000 AZN qarşılığında “satılması” ilə bağlı iddiaları mətbuata sızdırıblar. Bu iddialar rəsmi qurumlar tərəfindən nə təsdiq, nə də təkzib edilib.

[b]Araz Nəsirovun adı niyə hallanır?
[/b]
Məlumatlarda Səkinə Sadıxovanın yüksək vəzifəli şəxslər tərəfindən himayə olunduğu iddiaları da yer alır. Bu kontekstdə adı çəkilən şəxslərdən biri Araz Nəsirovd, digəri isə Zaur Əliyevdır. Azər Nəsirov 2018–2022-ci illərdə İcbari Tibbi Sığorta üzrə Dövlət Agentliyində Strateji təhlil departamentinin rəhbəri olub, hazırda isə TƏBİB-in icraçı direktorunun müavinidir. Bu iddialar rəsmi şəkildə təsdiqlənməsə də, səhiyyə sistemində baş verən təyinatların arxa planı ilə bağlı ictimai müzakirələrə səbəb olub.

[b]Nəticə və gözləntilər
[/b]
500 minlik şəhərin səhiyyəsinə rəhbərlik etmiş və hazırda yenidən böyük tibb müəssisəsinə başçılıq edən bir şəxs haqqında bu qədər ciddi korrupsiya, qohumbazlıq və vəzifədən sui-istifadə iddialarının mövcudluğu ictimai etimadı sarsıdır.

AzTimes.az olaraq hesab edirik ki, həm TƏBİB, həm də hüquq-mühafizə orqanları Abşeron Mərkəzi Xəstəxanasında və Sumqayıt Tibbi Mərkəzində səsləndirilən bütün iddialara aydınlıq gətirməlidir.Ümid edirik ki, səhiyyə sistemi şəxsi maraqların deyil, vətəndaşların sağlamlığının qorunmasına xidmət edəcək və Abşeron Mərkəzi Xəstəxanası da mümkün korrupsiya çirkabından xilas olacaq.(AzTimes.az)

AzTimes.az mövzunu diqqətdə saxlayır.