Quba Mərkəzi Rayon Xəstəxanasının “ölü can”ları – SİYAHI
[center]
[/center]
[/center]Quba MRX-ı bəlkə də şimal regionunda əmək münasibətlərinin ən kobud şəkildə pozulduğu, əməkdaşlarla sağlam iş münasibətlərinin qurulmadığı, onlara qarşı düzgün yanaşmanın sərgilənmədiyi ən populyar müəssisələrdən biri və elə bəlkə də birincisidir. Şəxsi münasibətlər bu tibbi ocağında çalışan əməkdaşlara qarşı sərgilənməli olan ədalətli yanaşmanın önündəki böyük bir maneədir. Xəstəxanada anonim bir sorğu keçirilmiş olsaydı, qeyd etdiyimiz bu ifadələrin isbatı gün üzünə çıxardı. İş üzünə həsrət qalan “ölü can”ların gün üzünə çıxması üçün isə mütləq xəstəxana rəhbərliyinin dəyişməsi və yaxud bu qəflət yuxusundan ayılması lazımdır.
Əldə etdiyimiz məlumata görə, xəstəxanada direktor Əlyar Sərvərova yaxın olan bir neçə işçi var ki, onlar mütəmadi olaraq işə gəlmir, amma il boyu əmək haqqı, hətta işlərində göstərmiş olduqları fəallığa görə müxtəlif məbləğlərdə maliyyə mükafatları da alırlar.
Həmin gözəgörünməz işçilərdən biri elə xəstəxananın direktoru Əlyar Sərvərovun köməkçisi olan Rasim Mikayılovdur. Həmin əməkdaş aylarla işə çıxmasa da, hər ay digər əməkdaşlar kimi əmək haqqı alır. Rasim Mikayılova bu imtiyazın verilmə səbəbi məlum olmasa da, onun əmək haqqı kartının direktorda olduğu iddia edilir.
Adı işdə olub, amma heç vaxt işə çıxmayan və boş-boşuna əmək haqqı alan əməkdaşlardan biri də Quba MRX-nın dəstək xidmətləri şöbəsinin işçisi olan İlqar Məmmədovdur. O da işə gəlmir, amma mütəmadi əmək haqqı ilə təmin edilir. Bu da azmış kimi, vaxtaşırı olaraq əmək haqqından əlavə maliyyə mükafatları ilə təmin edilir. Qeyd edək ki, İlqar Məmmədov Quba Müalicə Diaqnostika Mərkəzinin keçmiş direktoru Səməd Məmmədovun oğludur. 2021-ci ilin oktyabr ayında həmin mərkəz Quba MRX-nın tabeçiliyinə keçdikdən sonra direktor Əlyar Sərvərov Quba Müalicə Diaqnostika Mərkəzinin keçmiş direktoruna jest olaraq onun oğlunu bu imtiyazlarla işdə saxlayır.
Ölü canlardan biri də Quba MRX-nın sığorta şöbəsinin işçisi olan Nübar Ağarzayevadır. Həmin xanım hazırda əyani ali təhsil alır. Belə olan halda onun davamlı olaraq işdə olması müvafiq qanunvericiliyə əsasən də qanunsuzdur. Amma xəstəxana rəhbərliyi onu da digər işçilər kimi işdə saxlayır və il boyu mütəmadi olaraq əmək haqqı almasını təmin edir.
Əldə etdiyimiz məlumata əsasən, Quba MRX-da belə işçilərin sayı çoxdur. Müəyyən araşdırmalardan sonra onların siyahısını sizə təqdim edəcəyik.
7times.az
