İsmayıllı meşələrində ağac kəsintisi ilə bağlı yeni görüntülər - Araşdırmalar davam edir
[center]
[/center]
[/center]Şahdağ Milli Parkının İsmayıllı bölməsinə düşən ərazisində ağacların kütləvi kəsilməsi ilə bağlı məlumat vermişdik. Həmin məlumatda baş verənlərə görə xüsusilə Şahdağ Milli Parkının İsmayıllı bölməsinin sahə müfəttişi Əfqan Qəribovun adı hallandırılırdı.
Məsələ ilə bağlı Bioloji Müxtəlifliyin Qorunması Xidmətindən Qaynarinfo-ya daxil olan açıqlamada bildirilirib ki, həmin ərazidə araşdırmalar aparılıb:
"Şahdağ Milli Parkının ərazisində ağacların kəsilməsi ilə bağlı yayılan görüntülər Dövlət Ekoloji Təhlükəsizlik Xidməti tərəfindən araşdırılıb. İlkin araşdırmalara görə ağac kəsintisi baş verən ərazinin Şahdağ Milli Parkının ərazisi olmadığı müəyyən edilib. Sözügedən ərazinin mülkiyyətiçisini müəyyənləşdirmək məqsədilə Əmlak Məsələləri Dövlət Xidmətinə müraciət olunub. Araşdırma yekunlaşdıqdan sonra qanunamüvafiq tədbirlər görüləcək və dəymiş ziyanın məbləği cinayət tərkibi yaradarsa toplanmış materiallar hüquq-mühafizə orqanlarına göndəriləcək".
Bununla belə, ağac kəsintisi ilə bağlı redaksiyamıza yeni görüntülər daxil olub. Həmin görüntülər yaxınlıqda yaşayan sakinlər tərəfindən çəkilib. Onların iddiasına görə görüntülərdə əks olunan ərazi Şahdağ Milli Parkının İsmayıllı bölməsinə aiddir: "Biz qurumuş bir ağacı kəsən kimi cərimə edirlər. Amma özləri cavan ağacları kəsirlər".
Sakinlər iddia edir ki, ərazidə yalnız ağac kəsilmir. Eyni zamanda qanunsuz ov edilir. Şikayətçilər bu məsələdə Əfqan Qəribovla yanaşı, meşəbəyi Şükran Baxışovun adını da çəkir.
Bioloji Müxtəlifliyin Qorunması Xidmətinin açıqlamasından aydın olur ki, Ekologiya və Təbii Sərvətlər Nazirliyinin aidiyyəti qurumlarının əməkdaşları tərəfindən meşə və milli parkların ərazilərində mütəmadi monitorinqlər aparılır. Aşkar edilən qanun pozuntuları ilə bağlı aidiyyəti qurumlarla birgə qanunamüvafiq tədbirlər görülür.
Sakinlər də araşdırmaların aparıldığını təsdiqləyib. Onlar ümid edir ki, qısa zamanda baş verənlərlə bağlı lazımi tədbirlər görüləcək.(Qaynarinfo)
Ağac kəsintisi ilə bağlı görüntüləri təqdim edirik:
<iframe src="https://www.facebook.com/plugins/video.php?href=https%3A%2F%2Fwww.facebook.com%2Freel%2F876501404848266%2F&show_text=0&width=267" width="267" height="476" style="border:none" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"></iframe>
