Abşeron rayonunda kənd təsərrüfatı təyinatlı torpaqlarda qanunsuz obyekt tikintilərinə icra başçısı icazə verir?-Video
[center]
[/center]
[/center]Abşeron rayonu Saray qəsəbəsi ərazisində, kənd təsərrüfatı təyinatlı torpaqlarda aparılan betonlama işləri və qanunsuz obyekt tikintisi ilə bağlı məlumatlar daxil olub.
XALQ-a daxil olan məlumatlara görə, sözügedən ərazidə torpaq sahəsi kənd təsərrüfatı məqsədi üçün nəzərdə tutulsa da, faktiki olaraq iri həcmli hasarlama işləri sürətlə davam etdirilir.
Xatırladaq ki, 05 dekabr 2025-ci il tarixində Prezident İlham Əliyevin imzaladığı fərmana əsasən, kənd təsərrüfatı təyinatlı torpaqlarda tikililərlə bağlı müvəqqəti tikililər barədə məlumatlandırma Qaydaları təsdiq edilib. Həmin qaydalara əsasən bu torpaqlarda yalnız kənd təsərrüfatına xidmət edən, yüngül konstruksiyalı, asanlıqla sökülüb-yığılan tikililərin aparılmasına icazə verilir. Beton konstruksiyalı, iri obyektlərin inşası isə qəti şəkildə qanunla qadağandır.
Lakin Saray qəsəbəsindəki mənzərə göstərir ki, qanunun tələbləri açıq-aşkar gözardı edilir. Sahibkar aidiyyəti qurumların heç birindən icazəverici sənəd almadan, kənd təsərrüfatı təyinatlı torpaqda rahat şəkildə böyük obyekt tikməkdə davam edir. Betonlama işləri aparılır, ərazi faktiki olaraq kənd təsərrüfatı funksiyasından çıxarılır.
Məsələ ilə bağlı Abşeron rayon İcra Hakimiyyətindən münasibət öyrənmək mümkün olmadı.
Aidiyyatı qurumların fikirlərini dərc etməyə hazırıq.
Həmin görüntüləri təqdim edirik: (XALQ. ONLINE)
