[center][/center]
"Samiq Sadıxovun yarıtmaz kadr siyasəti nəticəsində Naxçıvan Muxtar Respublikası Mərkəzi Uşaq Xəstəxanasını da iflic hala salmasından danışacağıq. 03 noyabr 2023-cü ildə Uşaq Xəstəxanasının baş həkimi təcrübəsi, tərbiyəsi və idarəetmə bacarığı ilə nəinki çoxlarından Səhiyyəni bərbad hala salan nazirindən belə qat-qat üstün olan Rəhim Rəhimov Samiq Sadıxovun imzaladığı əmrlə işindən azad olundu..." "DİA-AZ" xəbər verir ki, bunu özünün sosial şəbəkə hesabında tanınmış jurnalist Sima Babayeva qeyd edib.
Jurnalist daha sonra əlavə edir: "O gündən Naxçıvan MR Uşaq Xəstəxanasının qara günləri başladı.1 il ərzində xəstəxanada 5 direktor dəyişdi. Aldığımız məlumata əsasən isə son direktor 3 ay bundan öncə təyin olunmuş,uşaq cərrahı olan Lalə Ələsgərlidir.
Lalə Ələsgərli vəzifəyə təyin olunan gündən günü qara olan uşaq xəstəxanasının daha da qara günləri başlayıb.
Belə ki, Lalə Ələsgərli xəstəxanada tibbi inkişaf etdirmək əvəzinə,illərini Naxçıvan səhiyyəsinə həsr etmiş Naxçıvan həkimlərini,gecə-gündüz demədən xəstələrin qulluğunda duran tibb işçilərini bezdirib işdən maddə ilə çıxartmaqla hədələyir,onları aşağılayıcı sözlərlə təhqir edərək aşağılayır.
[center][/center]
Vətəndaşlar belə xəstəxanaya gedib dərdini deyə bilmir. Nəinki dərdlərini demək, deyirlər ümumiyyətlə qəbuluna düşmək müşkül məsələyə çevrilib.
Xəstəxananın kollektivi bildirir ki, Lalə Ələsgərli vəzifəyə təyin olunar-olunmaz Xəstəxananın ümumi şöbəsinin müdiri vəzifəsinə Samiq Sadıxovun analoqu olmayan kadr islahatı nəticəsində təyin olunan Ceyhun Cəfərovun idarəetməsinə verib.
Xəstəxanaya illərini həsr etmiş həkimlər və tibb işçiləri bildirir ki,nə zaman Lalə həkimin qəbuluna gedirik,köməkçisi bildirir ki,ümumi şöbənin müdiri Ceyhun müəllim yanındadır.Saatlarla gözləsək belə nə bizi qəbul edir,nə də Ceyhun müəllim otaqdan çıxır.
Bilmirik bu qədər saat otaqda nə işlə məşğul olurlar.Lalə xanım Ceyhun müəllimə hətta müəssisənin gerbli möhürünü belə əmanət edib.
Hər-hansı sənəd imzalatdırmaq istəsək belə Ceyhun müəllimin qəbuluna gedib ona peçatlatdırırıq.Ceyhun müəllim isə direktorla isti münasibətindən istifadə edib,işə ürəyi istəyəndə gəlib,ürəyi istəyəndə gedir.Belə bir sual yaranır?
Lalə həkim tutduğu direktor vəzifəsinin təlimatını heç olmaya oxuyubmu?Bəllidir ki,oxumayıb,oxusa dövlətin ona təhkim olunmuş
möhürünü özünə yaxın seçdiyi Ceyhun bəyə verməzdi.
Ceyhun Cəfərov barədə kiçik araşdırma etdiyimiz zaman,Ceyhun Cəfərovun Naxçıvan MR Səhiyyə Nazirliyinin tabeliyində Ekspertiza Mərkəzinin direktor vəzifələrini icra edən Elşad Cəfərovun oğlu olduğunu öyrəndik.
Elşad Cəfərov Samiq Sadıxovun kadr siyasətini bazara çevirməyindən istifadə edərək heç bir iş təcrübəsi olmayan,dövlətimizə yaraşmayan həyat tərzi keçirib,yaşadıqlarını utanmadan whatsapp statusunda paylaşan oğlunu Dahi Şəxsiyyət olan Əziz Əliyevin adını daşıyan Naxçıvan MR Uşaq Xəstəxanasına şöbə müdiri,özünü isə Ekspertiza Mərkəzinə direktor vəzifəsinə yerləşdirə bilib.
Samiq Sadıxovu tanıyanlar və Naxçıvan əhalisi bilir ki,Samiq Sadıxov bu vəzifələrə təmənnasız heç vaxt bu adamları təyin etməz.Elşad Cəfərovu araşdırdıqda isə ölüdən belə pul alan adam kimi bizə təqdim etdilər(bu barədə növbəti yazılarımızda daha ətraflı məlumat verəcəyik).
Burdan Naxçıvan rəhbərliyinə xahiş edirik,Uşaq Xəstəxanasını bərbad hala salan Lalə və Ceyhun bəlasından azad etsinlər.Naxçıvanı və Naxçıvanlıları sözün əsl mənasında istəyən,xəstəxananı öz kefi ilə deyil,tibb tərəfini inkişaf etdirib,çatışmazlıqları aradan qaldırıb,dərman təminatını,gələcəyimiz olan körpələri düşünən insanların idarəetməsinə versinlər.
Samiq Sadıxov hələ də yeni rəhbərliyi necə aldadıb onları ələ alacağının yollarını axtarır.İnanırıq ki,Naxçıvan Muxtar Respublikasının yeni rəhbəri Naxçıvan Səhiyyəsini və yetərincə əziyyətlər görmüş Naxçıvanlıları Samiq və Samiqin yarıtmaz kadrlarının bəlasından xilas edəcək..."
Mənbə Sima Babayeva
<iframe src="https://www.facebook.com/plugins/video.php?height=276&href=https%3A%2F%2Fwww.facebook.com%2Freel%2F1439625361206207%2F&show_text=false&width=258&t=0" width="258" height="276" style="border:none" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"></iframe>