Xətai sakinləri şikayətçidir
[center]
[/center]
[/center]Həyət dizəcən palçıq, zirzəmi ağzınadək su ilə dolu…
Görüntülər paytaxtın Xətai rayonu Gəncə prospekti 15 ünvanındandır. Ətrafı restoran, məktəb və poliklinika olan bu binanın sakinləri yayda toz-torpaqdan, qışda isə palçıqdan evlərinə gedib-gələ bilmirlər.
“Xəzər Xəbər”in qaynar xəttinə müraciət edən sakinlər iddia edirlər ki, ərazidə torpaq sürüşməsi riski yüksək olduğundan payız-qış aylarında yoldan tökülən torpaq qatı onların yaşadığı həyəti daha acınacaqlı vəziyyətə salır.
Xətai Rayon İcra Hakimiyyəti Aparatının İctimai-siyasi və humanitar məsələlər şöbəsinin müdiri Pənah İmanov “Xəzər Xəbər”ə bildirib ki, problem İcra Hakimiyyətinin diqqətindədir. Gəncə prospekti 15 ünvanında bir yox, bir neçə qurumun iştirakı ilə müvafiq tədbirlərin həyata keçirilməsi nəzərdə tutulur. Əraziyə mütəxəssislər göndəriləcək və araşdırmalardan sonra məlumat veriləcək.
Xezerxeber.az mövzu ilə bağlı daha ətraflı videomaterialı təqdim edir.
