Dövlət Məşğulluq Agentliyi müəllif hüquqlarını pozub - İDDİA
[center]
[/center]
[/center]Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi tərəfindən vətəndaşın müəllif hüququ kobud şəkildə pozulub.
Bu barədə Bizim.Media-ya müraciət edən və adının açıqlanmasını istəməyən şəxs deyib.
O, bildirib ki, bir il qabaq ƏƏSMN-nin tabeliyində Dövlət Məşğulluq Agentliyinə innovativ layihə təqdim edib:
“Şəxsən sədr müavini Hasil Abbasovla görüşüb, müzakirələr apardıq. Sədr müavini layihəmi yüksək qiymətləndirdi. Və yaxın zamanlarda icra olunacağı barədə ona əlavə məlumat veriləcəyi bildirilib. Lakin sonradan mənimlə əlaqə saxlanılmayıb.
Layihənin adı: "Gələcəyin İş Yeri: Süni İntellekt və Yaşıl Texnologiyalarla Məşğulluq Forumu" idi. Layihənin məqsədi isə süni intellekt (AI) və yaşıl texnologiyalar dövründə iş bazarında yaranan çağırışlar və imkanları müzakirə etmək üçün forum keçirtməkdir.
Forum işəgötürənləri, təhsil müəssisələrini, texnologiya ekspertlərini və dövlət nümayəndələrini bir araya gətirərək gələcəyin iş bazarı üçün yeni strategiyalar və həll yolları tapmağa yönələcəkdi”.
Şikayətçi daha sonra qeyd edib ki, startap layihəsində tədbirin məzmunu, keçirilmə forması və onun verə biləcəyi nəticələr barədə məlumatlar yer almışdı:
“Agentlik layihəmi yüksək qiymətləndirdi. Və yaxın zamanlarda icra olunacağı barədə mənə əlavə məlumat veriləcəyi bildirildi. Lakin sonradan mənimlə əlaqə saxlanılmadı.
Bu günlərdə isə məlumat aldım ki, Agentlik mənim layihəm əsasında Sammit keçirib, amma mənə xəbər etmədən”.
Şikayətçinin dediklərinə əsasən Bizim.Media müəyyən araşdırma apardı. Nəticədə məlum oldu ki, Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin təşkilatçılığı ilə ötən həftə Bakıda “Gələcəyin Peşələri Sammiti” keçirilib.
Maraqlıdır ki, “Gələcəyin Peşələri Sammiti” çərçivəsində ilk tədbir cari ilin oktyabr ayının 30-da Naxçıvan şəhərində keçirilib.
Məsələ ilə bağlı qarşı tərəfin mövqeyini öyrənmək üçün ƏƏSMN tabeliyində DMA-ya sorğu göndərdik.
Ona görə də mövzunu açıq saxlayırıq.
Bizim.Media
