Yeni Günəşli qəsəbəsində illərdir nəzarətsiz qalan qeyri-yaşayış obyekti - VİDEO
[center]
[/center]
[/center]Yeni Günəşli qəsəbəsində illərdir nəzarətsiz qalan qeyri-yaşayış obyekti
Əvvəl şadlıq sarayı, daha sonra dərman istehsalı sexi kimi fəaliyyət göstərən qeyri-yaşayış obyektində qanunsuz tikinti işlərinə başlanıldığı iddia olunur.
Xezerxeber.az xəbər verir ki, özbaşına yenidənqurma işlərinin aparıldığı iddia olunan qapıları bağlı, ətrafı dəmirlərlə hörülü, hündürlüyü isə 4 metrdən daha çox olan qeyri-yaşayış obyekti Suraxı rayonu Yeni Günəşli qəsəbəsi Q masssivi, Surxay Noçuyev küçəsində yerləşir:
Elə sakinlər də tikilinin yeni olmadığını, sadəcə damının yeni dəyişdirildiyini deyirlər.
Sakinlərin iddiaları ilə bağlı obyektin sahibi ilə telefon əlaqəsi saxladıq. Bildirildi ki, qeyri-yaşayış obyektinə çıxarış 2019-cu ildə verilib və vətəndaşın xüsusi mülkiyyətidir. Obyektin texniki göstəricilərin əks olunduğu texniki pasportu var. Obyekt 1990-cı ildə şadlıq sarayı, daha sonra dərzi sexi kimi fəaliyyət göstərib. Hazırda ərazidə heç bir tikinti işi aparılmır. Aidiyyəti qurumların tövsiyəsi ilə təhlükəsizlik qaydaları nəzərə alınmaqla yalnız dam örtüyü dəyişdirilib.
Suraxanı rayon İcra Hakimiyyətindən isə "Xəzər Xəbər"ə bidirildi ki, vətəndaşın xüsusi mülkiyyətində olan qeyri-yaşayış obyektində özbaşına yenidənqurma işləri aparıldığı müəyyən edilib və işlər dayandırılıb. Vətəndaşa yenidənqurma işlərinin aparılması üçün mövcud qanunveriliciyin tələblərinə uyğun aidiyyəti orqanlara müraciət etməyi tövsiyə olunub.
